އާޒިމާގެ މައްޗަށް އުފުލާފައިވާ ދައުވާ ތަކުގެ ޝަރީއަތް މާދަމާ!
ކުރީގެ ރައީސް އަބްދުالله ޔާމީން އަބްދުލްޤައްޔޫމުގެ ވެރިކަމުގައި، ރައީސް އޮފީހުގައި ލީގަލް އެފެއާޒް މިނިސްޓަރުކަން ކުރެއްވި އައިޝަތު އާޒިމާ ޝަކޫރުގެ މައްޗަށް ކޮށްފައިވާ ދައުވާތަކުގެ ޝަރީއަތް މާދަމާ ބޭއްވުމަށް ކުރިމިނަލް ކޯޓުން ނިންމައިފިއެވެ.
އާޒިމާގެ މައްޗަށް މަނީ ލޯންޑަ ކުރުމަށް މަގުފަހި ކޮށްދިނުމުގެ ދައުވާ އާއި، ރަސްމީ އިދާރާއަކަށް ދޮގު މައުލޫމާތު ދިންކަމުގެ ދައުވާ އުފުލާފައިވާއިރު، މިޝަރީއަރުގެ އަޑުއެހުން ތާވަލުކޮށްފައި ވަނީ މާދަމާގެ 1:30 ގައި ކުރިމިނަލް ކޯޓުންނެވެ.
އާޒިމާގެ މައްޗަށް އުފުލާފައިވަނީ ރައީސް ޔާމީނު ހިންގެވި ކަމަށް ތުހުމަތުކުރާ މަނީ ލޯންޑަރިންގް ގައި އެހީތެރިކަން ފޯރުކޮށްދިނުގެ މައްސަލަ އާއި، އެކަމުގައި ސަރުކާރުގެ އިދާރާތަކަށް ދޮގު މައުލޫމާތު ދިންކަމުގެ ދައުވާއެވެ.
މި މައްސަލައިގެ އިބްތިދާއީ އަޑުއެހުންތައް މިދިޔަ އަހަރުގެ މެދުތެރޭގައި ކުރިއަށް ގެންގޮސްފައިވާއިރު މި މައްސަލާގެ ހެކިބަސް ދެއްވާ ބޭފުޅުންގެ ގޮތުގައި ދައުލަތުން ވަނީ ރައީސް ޔާމީނުގެ ނަންފުޅު ވެސް ހުށަހަޅާފައެވެ.
މިމައްސަލާގައި ދައުލަތުން ރައީސް ޔާމީނުގެ މައްޗަށް އުފުލި މަނީ ލޯންޑަރިންގް ގެ ދައުވާގައު ކްރިމިނަލް ކޯޓުން ވަނީ އެމަނިކުފާނު 5 އަހަރަށް ޖަލަށް ލުމުގެ އިތުރުން 5 މިލިއަން ޑޮލަރުގެ ޖޫރިމަނާއެއް ދެއްކުމަށް ހުކުމް ކޮށްފައެވެ.
ރައީސް ޔާމީނުގެ މައްޗަށް އިތުރު ދެދައުވާ އެއް އުފުލާފައިވާއިރު، ކުރިމިނަލް ކޯޓުގެ އެ ހުކުމް ހައި ކޯޓުގައި ވަނީ އިސްތިއުނާފް ކޮށްފައެވެ. ހައި ކޯޓުން ވެސް ވަނީ މި މައްސަލަ ހުކުމާ ހަމައަށް ގެންގޮސްފަވެއެވެ.
