ފޭސްމާސްކަކީ ކޯވިޑް19 ޖެހުމަށް އޮތް ހުރަހެއް ނޫން: ޑަބްލިއުއެޗްއޯ
ސާޖިކަލް ފޭސް މާސްކަކީ ކޯވިޑް 19 ވައިރަަސް ޖެހުން ހުއްޓުވާ ކަމެއް ނޫން ކަމަށް ދުނިޔޭގެ ސިއްހަތު ޖަމިއްޔާ ، ޑަބްލިޔުއެޗްއޯ އިން ބުނެފިއެވެ.
ޑަބްލިއުއެޗްއޯއިން ބުނެފައިވަނީ ފޭސް މާސްކް އެޅުމުން ކޯވިޑް 19 ނުޖެހޭނެ ކަން ސާބިތުވާ އެއްވެސް ހެއްކެއް މިހާތަނަށް ކުރިއަށް ގެންދިޔަ ދިރާސާތަކުން ފެނިފައި ނުވާ ކަމަށާއި، ފޭސް މާސްކް އަޅަން ޖެހޭނީ ހަމައެކަނި ސިއްހީ އެހީތެރިންނާއި، ކޯވިޑް 19 ބައްޔަށް ޕޮޒިޓިވްވާ މީހުން ކަމަށެވެ.
އެމެރިކާގައި ކޯވިޑް 19 ކޮންޓްރޯލު ކުރުމަށް އެގައުމުގެ ރައްޔިތުން ބޭރަށް ނިކުންނަ ނަމަ މާސްކް އެޅުމަށް ވަނީ އަންގާފައެވެ. އެހެންނަމަވެސް ޔޫކޭ ހެލްތު ސެކެޓްރީ މެޓް ހެންކޮކް ވަނީ މާސްކް އެޅުމަކީ ބޭކާރު ކަމެއް ކަމަށް ބުނެފައެވެ.
ސާޖިކަލް ފޭސް މާސްކު އެޅުމުން ކޯވިޑް 19 ނުޖެހޭނެ ކަމަށް ބައެއް ސައިންސްވެރިން ގަބޫލުކުރާއިރު އަނެއްބައި ސައިންސްވެރިން އެކަމާއި އެއްބަހެއް ނުވެއެވެ.
ފޭސްމާސްކް އެޅުމަކީ ރައްކާތެރިކަމެއް ކަމަށް ޤަބޫލުކުރާ ސައިންސްވެރިން ބުނަނީ، މާސްކް އެޅުމުން ކޯވިިޑް 19 ޖެހިފައި ހުރިކަން ނޭނގުނު ނަމަވެސް، އެހެން މީހުންނަށް ބަލި ޖެއްސުމުން ދުރުވާނެ ކަމަށެވެ. އެހެން ނަމަވެސް އެކަމާއި ދެކޮޅަށް ވާހަކަދައްކާ ސައިންސްވެރިން ބުނަނީ، ކޯވިޑް 19 ފަތުރާ ވައިރަސް ފިލްޓަރ ކުރުމަށްވުރެ މާސްކްގެ ޝީޓް ތުނި ކަމަށެވެ.
ކޯވިޑް 19 ޖެހުނު މީހުންގެ އަދަދު 1448564 އަށް ވުރެ މަތިވެފައިވާއިރު، މި ނުރައްކާތެރި ބަލީގައި މަރުވި މީހުންގެ އަދަދު ވަނީ 83416 އަށްވުރެ މަތިވެފައެވެ. ދުނިޔޭގެ ސިއްހަތު ޖަމިއްޔާއިން ވަނީ ކޯވިޑް 19 އަކީ ދުނިޔެއަށް ބަލި މަޑުކަމެއްގެ ގޮތުގައި ކަނޑައަޅާފައެވެ.
Ads by STO
