އިންޑިޔާއަށް ކަޅު ދުވަހެއް، 24 ގަޑިއިރު ތެރޭގައި އެންމެ ގިނަ މަރު އިއްޔެ
މުޅި ދުނިޔޭގައި ހަލުވި ކަމާއެކު ފެތުރެމުން އަންނަ ކޮވިޑް19 ޖެހިގެން އަވައްޓެރި އިންޑިޔާގައި 24 ގަޑިއިރުގެ ތެރޭގައި އެންމެ ގިނަ މީހުން މަރުވި ދުވަހަށް އިއްޔެ ވެއްޖެއެވެ.
ކޮރޯނާ ވައިރަސްގެ މަޢުލޫމާތު އާއްމު ކުރާ ވެބްސައިޓްގެ ތަފާސް ހިސާބަށް ބަލާއިރު، ހަމައެކަނި އިންޑިޔާގައި، 45 މީހަކު މިބަލި ޖެހިގެން އިއްޔެ މަރުވެފައިވެއެވެ. މިއާއެކު މިބަލި ޖެހިގެން އިންޑިޔާގައި މަރުވި މީހުންގެ އަދަދު 226 ކަށް އަރައެވެ. މީގެ އިތުރުން އިއްޔެ އިންޑިޔާއިންވަނީ 546 މީހުން މިބައްޔަށް ފައްސިވެފައެވެ. މިއާއެކު އިންޑިއާއިން މިބަލި ޖެހުނު މީހުންގެ އަދަދު 9,968ކަށް އަރައެވެ.
އިންޑިޔާގައި ހަލުވިކަމާއެކު ކޮވިޑް19 ފެތުރެމުންދާއިރު، އެގައުމުގައި މިބަލި ކޮންޓްރޯލް ނުވެ، ހިނގައިދާނެ ކަމަށް ކަމާބެހޭ ފަރާތްތަކުން ބުނެއެވެ. ކަމާބެހޭ ފަރާތްތަކުން ހާމަ ކުރާ ގޮތުގައި އިންޑިޔާ ފަދަ ދީނީ ތަފާތު ހަރަކާތްތައް އޮންނަ ގައުމެއްގައި މިބަލި ފެތުރެން ފަށައިފިނަމަ ވަރަށް ގިނަ ބަޔަކަށް ބަލި ޖެހުމުގެ ފުރުސަތު އޮންނާނެއެވެ.
އިންޑިޔާގައި ކޮރޯނާ ވައިރަސް އަާ ދެކޮޅަށް މުޒާހަރާ ކުރުމާއި، އެމީހުން އަޅުކަން ކުރަން ގެންގުޅޭ ތަކެތީގައި މާސްކް އެޅުވުން ފަދަ ނާތަހްޒީބް އެތައް ކަމެއްވަނީ ހިނގާފައެވެ.
