އޮކްޓޫބަރު މަހު އަސާސީ މުދަލުގެ އަގު % 0.98 ދަށް
މިދިޔަ އޮކްޓޫބަރު މަހު ރާއްޖޭގައި އަސާސީ މުދަލާއި ހިދުމަތުގެ އަގުތައް ނުވަތަ އެސެންޝިއަލް ކޮމޯޑިޓީ އިންޑެކްސް (އީސީޕީއައި) 0.98 ޕަސެންޓް ދަށްވެއްޖެ އެވެ.
މޯލްޑިވްސް ސްޓެޓިސްޓިކް ބިއުރޯއިން ބުނި ގޮތުގައި މިދިޔަ މަހު ރާއްޖޭގައި ރާއްޖޭގައި އަސާސީ ކާބޯތަކެތީގެ އަގުތައް ދަށްވެފައިވަނީ ކުރީ މަހު އުފުލުމެއްގައި ހުރުމަށްފަހު އެވެ. މިގޮތުން ކުރީ މަހު އެސެންޝިއަލް ކޮމޯޑިޓީ އިންޑެކްސްގައި ކާބޯތަކެތީގެ އަގުތައް ހުރީ 1.82 ޕަސެންޓުގަ އެވެ. ނަމަވެސް މިދިޔަ މަހު މި އަދަދު ވަނީ 1.49 ޕަސެންޓް އަށް ވެއްޓިފަ އެވެ.
އަސާސީ މުދަލުގެ އެހެން ބާވަތްތަކުގެ އަގުތަކަށް އެހެން ދުވަސްވަރު އައިސްފައިވާ އަގުތަކަށް ބަލާއިރު ސެޕްޓެމްބަރު މަހު އީސީޕީއައި 2.86 ޕަސެންޓުގައި ހުރިނަމަވެސް މިދިޔަ މަހު މި އަދަދު ވަނީ 0.45 ޕަަަސެންޓަށް ވެއްޓިފަ އެވެ. އަދި ޕާސަނަލް ކެއާގެ އަގުތައް ހުރީ 2.99 ޕަސެންޓުގައި އެވެ. ނަމަވެސް މިދިޔަ މަހު ވަނީ މި ބާވަތްތަކުގެ އަގު އުފުލުން 0.18 ޕަސެންޓަށް ޖެހިލާފަ އެވެ.
މަހުން މަހަށް އަގަށް އައި ބަދަލު
ސީރިއަލް އުފެއްދުންތައް - +0.13 %
މަހުގެ ބާވަތްތައް- -0.07 %
ގޭސް - +0.64 %
ބިސް - +0.38%
ތަރުކާރީ - -0.98%
މޭވާ - -7.94%
ކައްކާ ތެޔޮ - +0.36%
މާމުއި - +1.15%
މިދިޔަ މަހު އަގު ބޮޑު ވެގެން ދިޔަ ބާވަތެއްގެ ގޮތުގައި ފާހަގަ ވަނީ ގޭހާއި ތެލެވެ. މިބައިގެ އީސީޕީއައި ސެޕްޓެމްބަރު މަހު 0.83 ޕަސެންޓަށް ދަށްވުމަށްފަހު މިދިޔަ މަހު ވަނީ 0.64 ޕަސެންޓު އުފުލިފަ އެވެ.
