މޯދީގެ ޓްވިޓަރ ޕްރަފައިލް ފޮޓޯ ވަރަށްވެސް ތަފާތު
ކޮވިޑް19 އާ ގުޅިގެން އެންމެ ހަރުކަށި ފިޔަވަޅު އެޅި އެއް ޤައުމަކަށް ހަމަގައިމުވެސް އަވައްޓެރި އިންޑިޔާ ވާނެއެވެ. ތަފާތު މަޖާ އެތައް ކަމެއްކޮށް، ވީހާވެސް ގިނަ ބަޔަކު ގޭގައި ބޭތިއްބޭތޯ އިންޑިޔާ ސަރުކާރުންދަނީ މަސައްކަތް ކުރަމުންނެވެ. ނަމަވެސް މިފަހަރު އެހެން ވާހަކައެކެވެ. އިންޑިޔާގެ ބޮޑު ވަޒީރު ނަރެންދުރަ މޯދީގެ ޓްވިޓަރ އެކައުންޓް ހޭންޑަލްގެ ވާހަކައެވެ.
އެމެރިކާގެ ރައީސް ޑޮނާލްޑް ޓްރަންޕް އޭނާގެ ޓްވިޓަރ އެކައުންޓް އަމިއްލަޔަށް ހޭންޑަލް ކުރިޔަސް، މޯދީގެ ޓްވިޓަރ އެކައުންޓް ބަލަހައްޓަނީ ޓީމަކުންނެވެ. ހަޤީޤަތަށް ދަންނަވާނަމަ މޯދީގެ މާބޮޑު ބާރެއް އޭނާގެ ޓްވިޓަރ އެކައުންޓަކަށް ނޯންނާނެއެވެ. މިފަހަރު މޯދީގެ ޓްވިޓަރ އެކައުންޓްގެ ޕްރަފައިލް ފޮޓޯ ވަރަށް ގިނަ ބަޔަކަށް ކަމުގޮސްފިއެވެ.
މޫނުމަތި ނިވާ ކުރަން ސިއްޙީ މާހިރުން ލަފާދޭ މި ދަނޑިވަޅުގައި މޯދީ ހުރީ އެ ކަމަށް ބޯލަބައިގެނޭވެސް ދެންނެވިދާނެއެވެ. މޯދީގެ ޓްވިޓަރ ޕްރަފައިލް ފޮޓޯގައި އޭނާ ހުރީ އަނގަމަތީގައި މާސްކެއް ގޮތަށް ކޮނޑު މައްޗަށް ވައްޓާލާފައި އޮންނަ ފޮތިކޮޅު އޮޅައިގެނެވެ.
ކޮރޯނާވައިރަސް ޑިޒީޒް (ކޮވިޑް-19) ހަލުވިކަމާއެކު ފެތުރެމުންދާ އަވަށްޓެރި އިންޑިއާގައި އިއުލާންކޮށްފައި އޮތް ލޮކްޑައުން އަމުރުގެ މުހުލަތު، އަންނަ މެއި މަހުގެ 3 ވަނަ ދުވަހުގެ ނިޔަލަށްވަނީ މިއަދު އިތުރުކޮށްފައެވެ.
