ރެޑްވޭވް ސަލީމްގެ ސިއްޙީ ހާލުކޮޅު ގޯސްވެގެން ޓްރީޓޮޕްގައި ޓެސްޓުތަކެއް ހަދައިފި

ޕީޕީއެމް ޕާލަމަންޓަރީ ގްރޫޕްގެ ލީޑަރު އަދި މަޖިލިސް މައިނޯރިޓީ ލީޑަރު އޭދަފުށީ ދާއިރާގެ މެންބަރު އަަހުމަދު ސަލީމް (ރެޑްވޭވް ސަލީމް) ގެ ސިއްޙީ ހާލުކޮޅު ގޯސްވެގެން ޓްރީޓޮޕް ހޮސްޕިޓަލަށް ވަޑައިގެން ޓެސްޓުތަކެއް ހައްދަވައިފިއެވެ.

Ads by Sosun Fihaara

"ދެން" އަށް މައުލޫމާތު ދެއްވަމުން ސަލީމް ވިދާޅުވީ އެމަނިކުފާނު ޓްރީޓޮޕަށް މިރޭ ވަޑައިގެންނެވީ ހުން އައިސް ގައިގަ ރިއްސާތީ ކަމަށާއި ޓެސްޓުތަކެއް ހެދުމަށްފަހު މިހާރު ހުންނެވީ ގޭގައި ކަމަށެވެ.

ޓެސްޓުގެ ނަތީޖާ ރަނގަޅު ކަމަށް ވެސް ސަލީމް ވިދާޅުވިއެވެ.

ރައްޔިތުންގެ މަޖިލިހުގެ މައިނޯރިޓީ ލީޑަރ ގެ ގޮތުގައި މެންބަރު ސަލީމް އައްޔަން ކުރެއްވީ މިއަހަރުގެ ފެބްރުއަރީ މަހުގެ 10 ވަނަ ދުވަހުގައެވެ.