ޖިންސީ ގޯނާއާ ދެކޮޅަށް ކުރިއަށް ގެންދަމުންދާ މުޒާހަރާގެ ތެރެއިން 5 މީހަކު ހައްޔަރު ކޮށްފި
ކުޑަކުދިންގެ ހައްގުތައް ރައްކާތެރިކުރުމަށް ގޮވާލާ އެކަމަށް ވަކާލާތު ކުރާ ޖަމިއްޔާއެއް ކަމަށްވާ "ވޮއިސް އޮފް ޗިލްޑްރެން" ގެ ފަރާތުން އިންތިޒާމް ކޮށްގެން މިހާރު މާލޭގައި ކުރިއަށް ގެންދާ މުޒާހަރާގެ ބައިވެރިންގެ ތެރެއިން 5 މީހަކު ހައްޔަރު ކޮށްފިއެވެ.
އެޗްޕީއޭގެ ގައިޑްލައިންތަކާ ހިލާފަށް އެއްވުމެއް ކުރިއަށް ގެންދިޔަ ބަޔަކަށް ފުުލުހުން ނަސޭހަތްތެރި ވުމުން ވެސް އެއްވުން ކުރިއަަށް ގެންގޮސް ފުލުހުންގެ އަމުރަށް ނުކިޔަމަންތެރި ވެފައިވާ މައްސަލައާ ގުޅިގެން މިއަދު ހަވީރު 5 މީހަކު ހައްޔަރު ކުރެވިފައިވާ ކަމަށް ފުލުހުން މައުލޫމާތު ދެއެވެ.
ހަމަ އެހެންމެ އެމީހުންގެ ތެރޭގައި ހިމެނެނީ ދިވެހި 2 ފިރިހެނުންނާއި ދިވެހި 3 އަންހެނުން ކަމަށް ވެސް ފުުލުހުން މައުލޫމާތު ދެއެވެ.
"ވޮއިސް އޮފް ޗިލްޑްރެން" އިން މީގެ ކުޑައިރުކޮޅެއް ކުރިން ކޮށްފައިވާ ޓްވީޓެއްގައި ބުނެފައި ވަނީ ޖިންސީ ގޯނާއާ ދެކޮޅަށް ކުރަމުންދިޔަ މުޒާހަރާގެ ހުރިހާ ބައިވެރިން ހައްޔަރު ކޮށްފައިވާ ކަމަށެވެ. މުޒާހަރާގެ ބައިވެރިން އެއްވެފައި ވަނީ ގަލޮޅުގައި ހުންނަ ބޭންކް އޮފް މޯލްޑިވްސް އޭޓީއެމް ކައިރިއަށެވެ.
