ފްރާންސާއި ޖަރުމަން ފުރަބަންދު ކުރަން ނިންމައިފި

ކޮވިޑް-19 ބަލީގެ ނުރައްކާ އިތުރަށް ބޮޑުވުމުން ފްރާންސާއި ޖަރުމަން ފުރަބަންދު ކުރަން އެގައުމުތަކުގެ ސަރުކާރުން ނިންމައިފިއެވެ.

ނޮވެމްބަރު މަހުގެ 02 ވަނަ ދުވަހުން ފެށިގެން ހަތަރު ހަފްތާގެ މުއްދަތަކަށް ފުރަބަންދަށް އަމަލު ކުރަން  ފަށާނެ ކަމަށް ފްރާންސްގެ ރައީސް އެމަނުއެލް މެކްރޯން ގައުމާއި މުހާތަބު ކުރައްވާ ދެއްވި ތަޤުރީރެއްގައި ވަނީ ބުނެފައެވެ.

އެގޮތުން ކޮންމެހެން ގެއިން ނިކުންނަން ޖެހިގެން ނޫނީ ނުނިކުތުމަށް ވެސް ރައީސް މެކްރޯން ވަނީ އިލްތިމާސް ކޮށްފައެވެ. ނިކުންނަން ޖެހިއްޖެ ހާލަތެއްގައި ވެސް އެކަމަކަށް ދެވިފައިވާ ހުއްދައެއް އަތުގައި އޮންނަން ޖެހޭނެ ކަމަށާއި އެހެން ނަމަވެސް ފިހާރަތައް ހުޅުވިފައިހުންނާނެ ކަމަށް ވެސް ރައީސް ވިދާޅުވިއެވެ.

ޖަރުމަންވިލާތް ފުރަބަންދުކޮށް އަޅަން ނިންމި ފިޔަވަޅުތަކުގެ ތެރޭގައި ބާތަކާއި ޕަބްތައް ބަންދު ކުރުމާއި ރެސްޓޯރެންޓްތައް ބަންދު ކުރުން ހިމެނެއެވެ.

އަދި މީހުން އެއްވާ ފަދަ ތަންތަން ވެސް ބަންދުކުރުމަށް ވަނީ ނިންމާފައެވެ.