އާބަންކޯއިން ފަލަސްތީނަށް އެހީވުމަށް ފަންޑް ރައިސިންގް އިވެންޓެއް ބާއްވަނީ

އާބަންކޯއިން ފަލަސްތީނަށް އެހީވުމަށް ފަންޑް ރައިސިންގް އިވެންޓެއް ބާއްވަން ނިންމައިފިއެވެ.

އާބަންކޯ އިން މިއަދު ވިދާޅުވީ ފަލަސްތީނުގެ ރައްޔިތުންނަށް އެހީވުމަށް  އެ ކުންފުނިން ބާއްވާ ފަންޑް ރައިސިންގް އިވެންޓް ބާއްވަން ހަމަޖެހިފައި ވަނީ މި މަހު 3 ގައި ކަމަށެވެ.

އެގޮތުން ހުކުރު ދުވަހު މި އިވެންޓް ކުރިއަށް ގެންދިއުމަށް ހަމަޖެހިފައި ވަނީ ހަވީރު 6-4 އަދި ރޭގަނޑު 10-8 އެއްގައި ސެންޓްރަލް ޕާރކްގައި ކަމަށް އާބަންކޯ އިން ހާމަކުރެއެވެ.

މި އިވެންޓްގައި ފުޑް ސްޓޯލް، ޖަމްބަލް ސޭލް އަދި ކުޑަކުދިންނަށް ހާއްސަ ތަފާތު ހަރަކާތްތައް ކުރިއަށް ގެންދާނެއެވެ.

މި ހަރަކާތްތައް މެދުވެރިކޮށް ލިބޭ ހުރިހާ ފައިސާއެއް ދޭނީ ފަލަސްތީނުގެ ރައްޔިތުންނަށް އެހީތެރިވުމަށް ކަމަށް އާބަންކޯ އިން ހާމަކުރެއެވެ.

އަރބަންކޯ އިން ވަނީ ވީހާވެސް ގިނަ ބޭފުޅުން މި އިވެންޓްގައި ބައިވެރިވެ ފަލަސްތީނުގައި ހާލުގައި ޖެހިފައިވާ ރައްޔިތުންނަށް އެހީތެރިވުމުގައި ބައިވެރިވުމަށް އެދިލައްވާފައެވެ.