އިމްރާންގެ އިތުބާރު ނެތް ކަމުގެ މައްސަލަ ބަޖެޓު ބަހުސަށް ފަހު ކުރިއަށްގެންދަނީ
ހޯމް މިނިސްޓަރު އިމްރާން އަބްދުﷲގެ އިތުބާރު ނެތް ކަމަށް ބުނެ އިދިކޮޅު ކޯލިޝަނުން ހުށަހަޅާފައިވާ މައްސަލަ، ދައުލަތުގެ ބަޖެޓުގެ ބަހުސަށްފަހު އެޖެންޑާ ކުރައްވާނެކަމަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
ނަޝީދު މިހެން ވިދާޅުވެފައިވަނީ މަޖިލީހުގެ ރިޔާސަތުގައި އިންނަވައި މިއަދުގެ ޖަލްސާގައި ފައްޓަވަމުންނެވެ.
އަދި މި މައްސަލާގައި ޖަވާބު ދާރީވާން އޭނާއަށް 30 މިނެޓް ދޭން އާންމު ކޮމިޓީއިން ފާސްކޮށްފައި ވެއެވެ. އަދި އިމްރާނުގެ އިތުބާރު ނެތް ކަމުގެ މައްސަލާގައި ބަހުސަށް ދެ ގަޑިއިރު ދިނުމަށް ވަނީ ހަމަޖައްސާފައެވެ.
އިމްރާނުގެ އިތުބާރު ނެތްކަމުގެ މައްސަލަ މަޖިލީހަށް ހުށަހެޅީ ހުޅުމާލެ ފަޅުތެރޭގައި އޮތް ސަފާރީއެއްގައި ބިދޭސީ އަންހެނަކު ރޭޕް ކޮށްފައިވާ ކަމަށް ބުނެ ފެތުރުނު ވާހަކަތައް ހޯމް މިނިސްޓަރުގެ މަގާމުގައި ހުންނަވައިގެން އިމްރާން، ތަހުގީގަށް ހުރަސްއެޅޭ ގޮތަށް އަމަލު ކުރައްވާފައިވާ ކަމަށް އިދިކޮޅުން ބުނެފައިވެ އެވެ. އަދި މަޖިލީހަށް އިތުރުފުޅު ހެދި ކަމަށް ބުނާ މައްސަލައިގައެވެ.
