އިނގިރޭސި ބޮޑުވަޒީރު ބޮރިސް ޖޯންސަންގެ އަންހެނުން ވަރިވެއްޖެ

ބޮރިސްގެ އަންހެނުން ވަރިވާން ހުށައެޅުމާއި އެކު އޭނާ ވަނީ، މިހާރުގެ ލޯބިވެރިޔާ ކެރީ ސިމޯންޑްސްއާއި އެންގޭޖްވިކަން އިޢުލާން ކޮށްފައެވެ. އަދި މަރީނާ ވަރިވިތާ ކުޑަދުވަސްކޮޅެއްފަހުން ލޯބިވެރިޔާ ކެރީގެ ފަރާތުން ބޮރިސްއަށް ވަނީ ކުއްޖަކު ވެސް ލިބިފައެވެ.

ވަރިވި އަނބިމީހާ ، މަރީނާ އަކީ އިންޑިއާ ނަސްލުގެ މީހެކެވެ. އޭނާގެ މަންމަ ނިސްބަތްވަނީ އިންޑިޔާގެ ޕަންޖާބަށެވެ. ބޮރިސް އާއި މަރީނާއަށް ލިބިފައިވާ ހަތަރު ކުދިން މިހާރު ވަނީ ބޮޑެތި ވެފައެވެ.

މަރީނާއަކީ ބޮރިސްގެ ދެވަނަ އަނބިމީހާއެވެ. ފުރަތަމަ އަނބިމީހާ އަލެގްރާ މޮސްޓިން އޮވެންއާއި ބޮރިސްގެ ކައިވެނި ދެމިއޮތީ 1987 އިން 1993 އަށެވެ.

ބޮރިސްގެ ކުރިން މަގާމުގައި ހުރެ، އަންހެނުން ވަރި ކުރަން ޖެހުނު ބޮޑު ވަޒީރަކީ 1769 ގައި އަންހެނުން ވަރިކުރި އޮގަސްޓަސް ފިޒް ރޯއީ އެވެ. ރޯއީގެ އަންހެނުން އެހެން މީހަކާ ގުޅުން އޮންނަ ކަން އެނގި، އެމީހާއަށް ބަލިވެ އިނުމުން ޕާލިމެންޓް އެކްޓުގެ ދަށުން ވަރިނަގައި ދިނީ 1769 ވަނަ އަހަރުގެ މާރޗް މަހުއެވެ.