ގިރިފުށީގައި ސިފައިން ހަތިޔާރާއެކު ހިންގާ ތަމްރީނުތަކެއް
ހަތިޔާރާއެކު ސިފައިންގެ އަސްކަރީ ތަަމުރީނުތަކެއް ކ. ގިރިފުށީގައި ހިންގަން ތައްޔާރު ވެއްޖެއެވެ.
ގިރިފުށީގައި އަސްކަރީ ތަމްރީންތަކެއް ހިންގަން އެމްއެންޑީއެފުން ތައްޔާރު ވެފައިވާއިރު، އެމްއެންޑީއެފުން އަންނަނީ ލ. ކައްދޫގައި ހުންނަ ސިފައިންގެ ޓްރެއިނިން ސެންޓަރުގައި މިހާރު ވެސް ހަތިޔާރާއެކު ތަމްރީންތަކެއް ކުރިއަށް ގެންދަމުންނެވެ.
އެމްއެންޑީއެފުން ބުނީ ގިރިފުށީގައި ހިންގާ ތަމްރީންތައް އޮންނާނީ މިމަހުގެ 27 އިން 30 ގެ ނިޔަލަށް ކަމަށެވެ. އެ ތަމްރީނުތައް ކުރިއަށް ދާނީ މިމަހުގެ 27 ވަނަ ދުވަހުގެ އިރުއޮއްސި 6:30 އިން ރޭގަނޑު 10:30 އަށެވެ. ނަމަވެސް މިމަހުގެ 28 އިން 30 އަށް ތަމުރީނުތައް ކުރިއަށް ދާނީ އިރުއޮއްސި 6:30 އިން ރޭގަނޑު 9:00 އަށެވެ.
ގިރިފުށީގައި ބާއްވާ ތަމްރީނުތަކުގައި ބޭނުން ކުރަނީ އޭކޭ ސީރީޒް ރައިފަލެވެ. އަދި ވަޒަން ދަތުރު ކުރާނީ ވައިގެ ސަރަހައްދުގެ 100 މީޓަރުގެ އުސްމިނާއި 4100 މީޓަރުގެ ދުރުމިނަށް ކަމަށް އެމްއެންޑީއެފުން ބުންޏެވެ.
ދިވެހި އަސްކަރިއްޔާއިން އަންނަނީ ސިފައިންގެ ގާބިލްކަން އިތުރުކުރުމަށް ތަފާތު އެކި ތަމްރީނުތައް ކުރިޔަށް ގެންދަމުންނެވެ.
Ads by STO
