އިދިކޮޅުގެ "ވިސްނާ" ޖަލްސާ އަންނަ ހޮނިހިރު ދުވަހުގެ ރޭ
އިދިކޮޅު ކޯލިޝަނުގެ ފަރާތުން އަންނަ ހޮނިހިރު ދުވަހުގެ ރޭ ހާއްސަ ޖަލްސާއެއް ބޭއްވުމަށް ހަމަޖައްސައިފިއެވެ.
ޕީޕީއެމް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ޕީއެންސީގެ ނައިބު ރައީސް އިބްރާހީމް ޝުޖާއު ވިދާޅުވީ "ވިސްނާ" ގެ ނަމުގައި އަންނަ ހޮނިހިރު ދުވަހުގެ ރޭ އިދިކޮޅު ކޯލިޝަނުގެ ފަރާތުން ކާނިވާ ސަރަހައްދުގައި ޖަލްސާއެއް ބާއްވާނެ ކަމަށެވެ.
އިދިކޮޅުން މައުލޫމާތު ދީފައިވާ ގޮތުގައި މިޖަލްސާ ބޭއްވުމަށް ހަމަޖެހިފައިވަނީ އަންނަ ހޮނިހިރު ދުވަހުގެ ރޭ 8:30 ގައެވެ.
އިދިކޮޅު ކޯލިޝަން ގެ ފަރާތުން ޖަލްސާއެއް ބޭއްވުމަށް މީގެ ކުރިން ވެސް ވަނީ މަސައްކަތް ކޮށްފައެވެ. ނަމަވެސް ކޮވިޑް-19 ގެ ހާލަތާ ގުޅިގެން މީގެ ކުރިން ހެލްތު ޕްރޮޓެކްޝަން އޭޖެންސީން ވަނީ އެހުއްދަ ނުދެއްވާފައެވެ. "ވިސްނާ" ޖަލްސާ ބޭއްވުމަށް ނިންމާފައި މިވަނީ ކޮވިޑް-19 ގެ ހާލަތާ ގުޅިގެން އެތައް ލުއިތަކެއް ދީފައިވާ ދަނޑިވަޅެއްގައެވެ.
Ads by STO
