ކެޓްރީނާ އެންމެ ކުރާ ހިތްވާ ކަމަކީ ދުވުން
ބޮލީވުޑްގެ ތަރިންގެ ތެރެއިން ކެޓްރީނާ ކެއިފް އަކީ، ކާމިޔާބު ގިނަ ފިލްމުތަކެއް އަދި ކުޅެވިފައި ނެތް މީހެއް ނަމަވެސް،އޭނާއަކީ އިންތިހާއަށް ފޭނުން ގިނަ ފަންނާނެކެވެ.
ކަޝްމީރު ފިރިހެނަކަށް ލިބިފައި ހުރި، ލަންޑަނަށް އުފަން އަދި މިހާރު އިންޑިއާ ގައި ފައިތިލަ ސާބިތު ކޮށްފައިވާ މިކުޅަދާނަ ބަޠަލާ ގެ ރީތިކަމަށް ތައުރީފު ކުރާ އެތައް ބަޔަކު އުޅެއެވެ. އަދި އޭނާއާ ބެހޭގޮތުން ވީހާވެސް ގިނަ މައުލޫމާތު ހޯދަން އުޅޭ މީހުން ވެސް މަދެއް ނޫނެވެ.
މިދިޔަ އަހަރު "ފިލްމްފެއާ" އަށް ދިން ކުރު ބަސްދީގަތުމެއްގައި ކެޓްރީނާ ގާތު އޭނާ އެންމެ ކުރާ ހިތްވާ ކަމަކީ ކޮބައިތޯ ރިޕޯޓަރަކު ސުވާލު ކުރުމުން އޭނާ ބުނީ، އެންމެ ކުރާ ހިތްވާ ކަމަކީ ދުވުން ކަމަށެވެ. އެގޮތުން އެއީ ފިލްމެއްގެ ޝޫޓިންގ ތެރޭގައި ވިޔަސް ނުވަތަ އާއްމު ދިރިއުޅުމުގައި ވިޔަސް ދުވުމަކީ އޭނާ ވަރަށް ކުރާ ހިތްވާ ކަމެއް ކަމުގައި ކެޓްރީނާ ބުންޏެވެ. އަދި ވަރަށް ބިޒީ ވެގެން ނޫނީ، ކޮންމެ ދުވަހެއްގައި ވެސް ހެނދުނު ގަޑީގައި ދުވަން ދާ ކަމަށް ވެސް ކެޓްރީނާ ބުނެފައިވެއެވެ.
މީގެއިތުރުން ކެޓްރީނާއާ ސުވާލު ކުރީ، އޭނާގެ ފިލްމުތަކުގައި އޭނާ މޭކަޕް ކުރަނީ އަމިއްލައަށްތޯ އެވެ. އެސުވާލުގެ ޖަވާބުގައި ކެޓްރީނާ ބުނީ މީގެ ކުރިން އޭނާގެ މޭކަޕް ކޮށްދިނީ އެހެން މީހުން ކަމަށާއި ނަމަވެސް އޭނަގެ މޭކަޕް އާޓިސްޓުގެ ފަރާތުން އެކަން އޭނާ ދަސްކޮށް، މިހާރު މުޅިން ވެސް މޭކަޕް ކުރަނީ އަމިއްލައަށް ކަމަށް ކެޓްރީނާ ބުންޏެވެ.
Ads by STO
