އާ އަހަރުގެ ޙަރަކާތްތައް ރޭވުމުގައި ސަމާލުވުމަށް އިލްތިމާސް ކުރައްވައިފި
އާ އަހަރާ ގުޅިގެން ބާއްވާ އެކިއެކި ޙަރަކާތްތައް ރާވައި ހިންގުމުގައި ކޮވިޑް-19 އަށް ސަމާލު ވުމަށް ހެލްތް މިނިސްޓްރީގެ ސްޓޭޓް މިނިސްޓަރ ޑރ.ޝާހް ޢަބްދުﷲ މާހިރު އިލްތިމާސް ކުރައްވައިފިއެވެ
ހެލްތު އެމަޖެންސީ އޮޕަރޭޝަން ސެންޓަރުން މިރޭ ބޭއްވި ނޫސްވެރިންގެ ބައްދަލުވުމުގައި ޝާހު ވިދާޅުވީ ކޮންމެ އަހަރަކުވެސް މިދުވަސްވަރު ބާއްވާ ޚިތާނު ކުރުމާ ގުޅިގެން ބާއްވާ ޙަފްލާތަކާއި ކައިވެނީގެ ހަފްލާތަކާއި އެނޫންވެސް އެކި ޙަރަކާތްތަކުގައި ގައިދުރުކަން އިސްކުރުމަށާއި މާސްކް އަޅައިގެން އުޅުމަށް އިލްތިމާސް ކުރައްވާފައެވެ.
އަދި ކުރިއަށް އޮތް އާ އަހަރު ފެށުމަށް ބާއްވާ ހަރަކާތްތަކުގައި ވެސް މިގޮތަށް އަމަލުތައް ބެހެއްޓުމަށް އޭނާ އެދިލެއްވިއެވެ.
ހަފްލާތަކާއި ގިނަބަޔަކު އެއްވެއުޅޭ އެކި ޙަރަކާތްތައް ބާއްވާއިރު ހުޅުވިފައި ހުންނަ، ވައި ދައުރުވުން ރަނގަޅު ތަންތަނުގައި ހަފްލާތައް ބޭއްވުމަށް އިސްކަން ދިނުމުގެ މުހިންމުކަން ވެސް ޑރ. ޝާހު ފާހަގަ ކުރެއްވިއެވެ.
Ads by STO
