13 އަހަރުގެ ދިގު މުއްދަތަކަށްފަހު، ގަމުން 400 ގޯތި ދޫކޮށްފި
ގޯތި ދޫކުރުމުގައި ތަފާތު އެކި ފަހަރު މަތީން މައްސަލަތައް ދިމާވަމުން ދިއުމަށް ފަހު 13 އަހަރަށްފަހު ރާއްޖޭގެ އެންމެ ބޮޑު ރަށް، ލ. ގަމުން 400 ގޯތި ދޫކޮށްފިއެވެ.
ތުނޑި އާއި މަތިމަރަދޫ އާއި މުކުރިމަގު ހިމެނޭ ގޮތަށް ތިން އަވަށް އޮންނަ ރާއްޖޭގެ އެންމެ ބޮޑު ރަށް ކަމުގައިވާ ލ. ގަމުން އެންމެ ފަހުން ގޯތިދޫކޮށްފައި ވަނީ 2007 ވަނަ އަހަރު އެވެ.
ގަމާ ބެހޭ މައުލޫމާތަށް ބަލާއިރު އެރަށަކީ އެ އަތޮޅުގެ ސިނާއީ ރަށް، އަދި މަސް ކާރުހާނާއެއް ހިންގާ މާންދޫ އާއި މަދަނީ ވައިގެ ހިދުމަތަށް ބޭނުން ކުރާ އެކަމަކު އިސްކަންދަރު ވައިގެ ބަނދަރުގެ ނަމުގައި މިލިޓަރީ އެއާޕޯޓެއް ހިންގާ ކައްދޫ އާއި ބޮޑު އާބާދީއެއް އޮންނަ އެ އަތޮޅު ފޮނަދޫ އާ އެއް ފަހަށް ގުޅާލާފައިވާ ރަށެކެވެ.
ގަމުން 400 ގޯތި ދޫކުރުމާއިމެދު މިހާތަނަށް އެއްވެސް ޝަކުވާއެއް ލިބިފައި ނުވާ ކަމަށް ގަމުގެ ކައުންސިލްގެ ނައިބު ރައީސް އަހުމަދު ޝާހީން އޮންލައިން ނޫހަކަށް މައުލޫމާތު ދެއްވަމުން ރޭގައި ވަނީ ވިދާޅުވެފައެވެ. ގަމުން ދޫކޮށްފައިވާ ގޯތިތަކުގެ ވަގުތީ ރަޖިސްޓަރީ ހަދައިދީ ދޫކުރާން ފަށާނީ ޖެނުއަރީ 14 ގައި ކަމަށް ވެސް ޝާހީން ވިދާޅުވެފައިވެއެވެ.
Ads by STO
