ގއ. ތައުލީމީ މަރުކަޒުގެ އިތުރު ކުއްޖަކު ކޮވިޑް-19 އަށް ފައްސިވެއްޖެެ

ގއ. ވިލިނގިލީގައި ހުންނަ އެ އަތޮޅު ތައުލީމީ މަރުކަޒުގެ އިތުރު ދަރިވަރަކު ކޮވިޑް-19 އަށް ފައްސި ވެއްޖެއެވެ.

Ads by Sosun Fihaara

މިދިޔަ ބުރާސްފަތި ދުވަހު ވެސް ވަނީ އެ ސުކޫލުގެ އޭލެވެލްގައި ކިޔަވަމުން އަންނަ ދަރިވަރެއް ކޮވިޑް-19 އަށް ފައްސިވެފައެވެ. އެއީ ދެއްވަދޫ ކްލަސްޓާ އާ ގުޅުންހުރި ކޭސް އެކެވެ. އެކުއްޖާ ވަނީ މީގެ ހަފްތާއެއް ކުރިން ދާންދޫއަށް ގޮސްފައެވެ. ދާންދޫގައި ވެސް ދެއްވަދޫ ކްލަސްޓާ އާ ގުޅުން ހުރި ކޭސްތަކެއް ވަނީ ފެނިފައެވެ.

މައުލޫމާތު ލިބޭ ގޮތުގައި ދެވަނަ އަށް ފައްސިވި ކުއްޖާއަކީ ފުރަތަމަ ފައްސިވި ކުއްޖާ އާ އެއް ގެއެއްގައި ދިރިއުޅޭ ކުއްޖެކެވެ.

ދެއްވަދޫ ކްލަސްޓާއާ ގުޅިގެން، ވިލިނގިލި އަދި ދާންދޫ ވެސް މިވަގުތު އޮތީ މޮނިޓަރިންގެ ހާލަތުގައެވެ.