އިށިންނިއިރަށް ފުރަގަސް ފަރާތަށް ވަތް މަހެއް ނަގަން ޖެހުނީ ބޮޑު އޮޕަރޭޝަން އެއް ކޮށްގެން
ޗައިނާ ގައި އޮޅިގެން މަހެއްގެ މަތީގައި އިށީނދެވުނު މީހެއްގެ ފުރަގަސް ފަރާތް އޮޕަރޭޝަން ކޮށްގެން މަސް ނަގައިފިއެވެ.
30 އަހަރުގެ މި މީހާ ފުރަތަމަ ޒަގޯގިން ފަސްޓް ޕީޕަލްސް ހޮސްޕިޓަލަށް ދައްކާފައިވަނީ ބަނޑުގައި ރިއްސާތީއެވެ. ޑެއިލީ މެއިލް އިން ރިޕޯޓުކޮށްފައިވާ ގޮތުގައި މި މީހާގެ ސީޓީ ސްކޭން އަދި އެކްސްރޭ އިން ދެއްކި ގޮތުގައި އެމީހާގެ ފުރަގަސް ފަރާތުގައި އޮތް ނޫ ކުލައިގެ ތިލާޕިއާ އެއް ވަނީ ފެނިފައެވެ.
ޑޮކްޓަރުން އެންޑޮސްކޯޕީ ބޭނުން ކޮށްގެން ވަގުތުން މަސް ނަގަން މަސައްކަތް ކޮށްފައިވީ ނަމަވެސް މަސް ބޮޑުވުމާއެކު ނެގޭ ގޮތް ވަނީ ނުވެފައެވެ.
ދަ މެޓްރޯ އިން ރިޕޯޓުކޮށްފައިވާ ގޮތުގައި މި މަސް އެންމެ ފަހުން ނަގަން ޖެހުނީ ބޮޑު ސާޖަރީ އެއް ކޮށްގެންނެވެ.
މި މަހުގެ ސައިޒު ހާމަކޮށްފައި ނުވިނަމަވެސް ނޫ ތިލާޕިއާ އަކީ އާންމުކޮށް 30 އާ 40 ސެންޓިމީޓަރު ގެ ދިގު މިނެއްގެ މަހެކެވެ.
