މޫނުގެ ހަންގަނޑު ރީތި ކުރަން ބޭނުމިއްޔާ ޤަވާއިދުން ނިދާބަލަ!
މޫނުގެ ހަންގަނޑު ކުރަކިވެ، ބިހި ނަގާ، ހިކުމަކީ ވަރަށް ގިނަ މީހުންނަށް ކުރިމަތިވާ ކަމެކެވެ.
ޚާއްސަކޮށް މިކަމަކީ އަންހެނުން ވަރަށް ފިކުރު ބޮޑުވެ އެކަމަށް ހައްލެއް ގެނައުމަށް ވަރަށް ގިނަ މަސައްކަތްތަކެއް ކުރާ ކަމެކެވެ.
އެގޮތުން މޫނުމަތީގައި އެކި ފާޑުގެ އެއްޗެހި އުނގުޅުމާއި ފޭޝަލް ހެދުމާއި ޕާލަރުތަކަށް ދިޔުން ވެސް ހިމެނެއެވެ.
ނަމަވެސް ހަންގަނޑު ރީތިކުރުމަށް ތިމާ ގެންގުޅޭ އާދަަކާދަތައް ބަދަލު ކޮށްލުމަކީ އޮތް އެންމެ ބޮޑު އަދި އެންމެ ޚަރަދު ކުޑަ ހައްލުކަން އެނގެނީ ކިތައް މީހުންނަށް ހެއްޔެވެ؟ އެގޮތުން ފާހަގަ ކޮށްލެވޭ އެންމެ ބޮޑު އެއް ކަމަކީ ޤަވާއިދުން ނިދުމެވެ.
ހަމުގެ ބަލިތަކާއި ބެހޭ މާހިރުން ބުނާ ގޮތުގައި ހަށިގަނޑަށް ލިބެންޖެހޭ އަރާމު ރަނގަޅަށް ނުލިބުމަކީ ހަންގަނޑަށް ވެސް އަސަރު ކުރާ ކަމެކެވެ.
ޑރ. ގުއަންޝް ބުނި ގޮތުގައި މުޅި ދުވަހު ބުރަކޮށް އުޅުމަށްފަހު އަރާމު ކޮށްލުމަކީ ހަށިގަނޑަށް ކޮންމެހެން ވެސް ބޭނުންވާ ކަމެކެވެ. އަދި މިއީ ހަންގަނޑުވެސް ރީތިކޮށްދޭ ކަމެކެވެ.
"ހަންގަނޑު ރީތިވުމަށް ހަށިގަނޑަށް ފުރިހަމަ އަރާމު ލިބުމަކީ ވަރަށް މުހިންމު ކަމެއް. ޤަވާއިދުން ނުނިދާ، ކަންކަމާއި ފިކުރު ކުރަން އޮންނަ ނަމަ އަވަހަށް މުސްކުޅިވުން ވެސް އެކަށީގެންވޭ. މާނައަކީ ޒުވާން އުމުރުގައިވެސް ހަންގަނޑަށް ރޫޖެހި، ތެޔޮވެ، ކުރަކިވެ، ބިހިނެގުން ފަދަ ކަންކަން ދިމާވާނެ" ޑރ. ގުއަންޝް ބުންޏެވެ.
މީގެއިތުރުން ޑޮކްޓަރ ބުނީ ސިއްޙަތައް ފައިދާހުރި ކެއުން ކެއުމަށާއި ގިނަގިނައިން ފެން ބުއިމަށް ވެސް ޚާއްސަ ސަމާލުކަމެއް ދިނުމަށެވެ.
މަސްދަރު: ޑާރމްސްޓޯ
Ads by STO
