ބިދޭސީންގެ މައްސަލަ މިއަދު މިވަނީ ގައުމީ ސަލާމަތަށް އޮތް ނުރައްކަލަކަށް: ޖަމީލް
ބިދޭސީންގެ މައްސަލަ މިއަދު މިވަނީ ގައުމީ ސަލާމަތަށް އޮތް ނުރައްކަލަކަށް ވެފައި ކަމަށް ކުރީގެ ނައިބް ރައީސް އަދި ޕީޕީއެމްގެ ހާއްސަ އެޑްވައިޒަރު ޑރ. މުހައްމަދު ޖަމީލް އަހުމަދު ވިދާޅުވެއްޖެއެވެ.
ބިދޭސީންގެ މައްސަލައާ ބެހޭގޮތުން، ރައްޔިތުންގެ މަޖިލީހުގެ ގައުމީ ސަލާމަތާއި ހާރިޖީ ގުޅުންތަކުގެ ކޮމެޓީގައި އިއްޔެ ވާހަކަދައްކަވަމުން ޑީފެންސަރު މިނިސްޓަރު މާރިޔާ ވަނީ، މުސާރަ ނުލިބިގެން ކަމަށްބުނެ ކުރާ ކޮންމެ މުޒާހަރާއެއްގައި ވެސް ބިދޭސީން ފުލުހުންނާ ކުރިމަތިލާ ކަމަށާއި އެހެންކަމުުން އެކަމުގައި އެހެން ކަމެއް ހިމެނޭ ކަމަށް ވިދާޅުވެފަ އެވެ.
އެ ބައްދަލުވުމުގައި ޗީފް އޮފް ޑިފެންސް ފޯސް މޭޖާ ޖެނެރަލް އަބްދުﷲ ޝަމާލް ވެސް ވަނީ ރާއްޖެއިން މިހާރު ފެންނަމުންދާ މަންޒަރުތަކަކީ، އިސްތިއުމާރީ ބާރަކުން ރާއްޖެ ހިފާފައިވާ ފަދަ ގޮތަކަށް، ފެންނަ މަންޒަރުތަކެއް ކަމަށް ވިދާޅުވެފަ އެވެ.
މިކަމާ ގުޅިގެން ޖަމީލު ކުރެއްވި ޓްވީޓެއްގައި ވިދާޅުވީ ރާއްޖޭގެ ބޯޑަރުގެ ރައްކާތެރިކަން ވަރުގަދަކުރަން ޖެހޭ ކަމަށެވެ.
"ބަދަލި ސަފެއްގެ ގޮތުގައި ތެދުވެ، މި ގައުމު ދިވެހިންގެ އަތުން ޖަހައިގަންނަން ކުރާ މަސައްކަތް ނާކާމިޔާބު ކުރެވޭނެ. އިންޝާﷲ." ޖަމީލް ވިދާޅުވިއެވެ.
Bidheyseen ge mahssala miadhu mivanee Qawmee salaamathah oiy nurahkalakah. Varugadha kuranvee Alhugandumenge border ge rahkkaatheri kan. Badhahi safehge gothu gai thedhuve, mi Qawm Dhivehin ge athun jahaagannan kuraa masaikah naakaamiyaab kureveyne, IA. https://t.co/0IePo9YiBC
— Mohamed Jameel Ahmed (@MJameelAhmed) July 22, 2020
Ads by STO
