ކޮވިޑް-19: "އާދައިގެ ރޯގާއެއް" ކަމަށް ބުނި ބްރެޒިލްގެ ރައީސް، ތިންވަނަ ފަހަރަށް ފައްސި ވެއްޖެ!

ކޮވިޑް-19 އަކީ ހަމަ އާދައިގެ ރޯގާއެއް ކަމަށް ބުނި ބްރެޒިލްގެ ރައީސް ޖެއިރް ބޮލްސޮނާރޯ، ތިންވަނަ ފަހަރަށް ޓެސްޓު ހެދުމުން ވެސް މިބައްޔަށް ފައްސި ކަމަށް ދައްކައިފިއެވެ.

އުމުރުން 65 އަހަރުގެ ބޮލްސޮނާރޯ މީގެ ކުރިން ބުނަމުން އައީ މިބައްޔަކީ ހަމަ އާދައިގެ ރޯގާއެއް ކަމަށާއި ކޮންމެހެން މާސްކު އަޅާ އިޖުމާތީ ގައިދުރުކަން ވެސް ކޮންމެހެންބަހައްޓަން ނުޖެހޭ ކަމަށެވެ.

ރައީސް ބޮލްސޮނާރޯ ގެ ސިއްޙީ ހާލުކޮޅާއި ގުޅޭގޮތުން ނެރުނު ބަޔާނެއްގައި ބުނެފައިވަނީ، މިމަހުގެ 21 ވަނަ ދުވަހު އެމަނިކުފާނުގެ ތިންވަނަ ޓެސްޓެއް ހެދި ކަމަށާއި އޭގެން ވެސް ބައްޔަށް ފައްސި ކަމަށް ދެއްކި ކަމަށެވެ. އެހެންނަމަވެސް ރައީސްގެ ހާލުކޮޅު ރަނގަޅު ކަމަށް ވެސް ރިޕޯޓުތަކުން ބުނެފައިވެއެވެ.