ރާއްޖެ އައި ފަތުރުވެރިއަކު ކޮވިޑަށް ފައްސިވެއްޖެ
ރާއްޖެ އައި ފަތުރުވެރިއަކު ކޮވިޑް-19 އަށް ފައްސިވެއްޖެއެވެ.
Ads by STELCO
އެޗްއީއޯސީގެ ތަރުޖަމާނު ޑރ. ނަޒްލާ ރަފީގު ވިދާޅުވީ، އިއްޔެ ރާއްޖެއައި އެފަތުރުވެރިޔާ ފައްސިވެފައިވާކަން އެނގުނީ މިއަދު ކަމަށެވެ. ނަމަވެސް އެމީހާއަކީ ކޮންޤައުމަކަށް ނިސްބަތްވާ މީހެއްކަމެއް އެޗްއީއޯސީން ހާމައެއް ނުކުރެއެވެ.
ނަޒްލާ ވިދާޅުވީ، އެމީހާ ކޮވިޑް-19އަށް ޓެސްޓްކޮށް ފައްސިވިން އެނގިފައި ވަނީ ރާއްޖެއަށް ފަތުރުވެރިން އައުމަށް ކަނޑައަޅާފައިވާ އުސޫލުގެ ތެރެއިން ޓެސްޓް ހެދި އިރު ކަމަށާއި އެމީހާގެ ކިބައިން ބަލީގެ އެއްވެސް އަލާމާތެއް ފެންނަން ނެތްކަމަށެވެ.
މިއީ މި މަހުގެ 15 ވަނަ ދުވަހު ރާއްޖޭގެ ބޯޑަރު ހުޅުވާލިފަހުން، ރާއްޖެ އައި ފަތުރުވެރިއަކު ކޮވިޑަށް ފައްސިވި ފުރަތަމަ ފަހަރެވެ.
Ads by HDC
