އެމްޑީޕީން ދެކޭ ގޮތާ ގުޅޭ ގޮތުން ސަރުކާރު ވެސް ވިސްނާނެ: ރައީސް ނަޝީދު
ވެރިކަން ކުރާ މޯލްޑިވިއަން ޑިމޮކްރެޓިކް ޕާޓީން (އެމްޑީޕީ) ދެކޭ ގޮތާ މެދު ސަރުކާރުން ވެސް ވިސްނާނެ ކަމަށް އެ ޕާޓީގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ އިންކުއަރީގެ ރިކަމަންޑޭޝަންސްއަށް އަމަލު ކުރަން ރާވައިފައިވާ ގޮތް އެނގުމުން ނޫނީ ރައީސް ނަޝީދު އެނބުރި ރާއްޖެ ވަޑައިގަތުމާ ދެކޮޅަށް އެ ޕާޓީގެ ޗެއާޕަރސަން ހަސަން ލަތީފު ވިދާޅުވުމާ ގުޅިގެންނެވެ.
ހަސަން ލަތީފު ވިދާޅުވީ ރިކަމަންޑޭޝަންސްއަށް އަމަލު ކުރަން ރާވައިފައިވާ ގޮތް އެނގުމުން ނޫނީ ރައީސް ނަޝީދު އެނބުރި ރާއްޖެ ވަޑައިގަތުމަކީ އެމަނިކުފާނު އެދޭނެ އަދި ރުހޭ ވެސް ކަމެއް ނޫން ކަމަށެވެ.
"ބޮން ގޮއްވައިލުމުގެ ކުރިން ސަރުކާރަށް އެނގިފައި ހުރި ކަންކަމަށް އަމަލު ކޮށްފައި ހުރި ގޮތުން މި ގޮތަށް ދަންނަވަން ޖެހުނީ" ހަސަން ލަތީފު ވިދާޅުވިއެވެ.
ހަސަން ލަތީފުގެ އެ ވާހަކަތަކަށް ތާއީދު ކުރައްވަމުން ކުރީގެ ރައީސް މުހައްމަދު ނަޝީދު ވިދާޅުވީ އެމްޑީޕީގެ ޗެއާ ދެކެވަޑައިގަންނަވާނެ ގޮތް އެއީ އަބަދުވެސް އެމަނިކުފާނު ވިސްނާނެ ގޮތެއް ކަމަށެވެ.
ރައީސް ނަޝީދު އަވަހާރަ ކޮށްލަން އަމާޒުކޮށް މެއި މަހުގެ ހަ ވަނަ ދުވަހުގެ ރޭ ދިން ނިރުބަވެރި ހަމަލާއާ ގުޅިގެން، އެ މަނިކުފާނަށް ލިބިލެއްވި އަނިޔާތަކަށް އޭޑީކޭއާއި ޖަރުމަނުގައި ފަރުވާ ހޯއްދެވުމަށް ފަހު މިވަގުތު އެ މަނިކުފާނު ހުންނެވީ އިނގިރޭސިވިލާތުގައެވެ.
އޭމިހިރަމީހާ ކަލޭދުވަހަކުނެތަސްމިގައުހިގާނެ ކަލޭމިގައުމައާފަހުންމިތާ ހުރިހާފިތުނައެއްއުފެދުނީ ކަލޭހުންނަންޖެހެނީގުރާދޫ މޮޔައިންގެސަރުދާރަކަ