އަނެއްކާ ވެސް ސްނެޕްޗެޓް ޑައުންވެއްޖެ
ދުނިޔޭގެ ގިނަ ބަޔަކު ބޭނުން ކުރާ މީސްމީޑިއާ އެޕްލިކޭޝަނެއްކަމަށްވާ ސްނެޕްޗެޓް އަނެއްކާ ވެސް ޑައުންވެއްޖެއެވެ.
ތަފާތު އެކި ވައްތަރުގެ ފިލްޓާތަކާ އެކު އާންމު ގޮތެއްގައި ފޮޓޯތަކާއި ވީޑިއޯތައް ހިއްސާ ކުރުމަށް ހާއްސަ ކޮށްފައިވާ ސްނެޕްޗެޓް ޑައުންވީ މިރޭ 10:00 ހާއިރެވެ.
ފަހަކަށް އައިސް ވަރަށް ގިނައިން ސްނެޕްޗެޓް ޑައުންވާ ކަމުގެ ޝަކުވާ މީސްމީޑިއާގެ އެހެން މަންސަތަކުގައި ބައެއް މީހުން ދަނީ ކުރަމުންނެވެ.
ސްނެޕްޗެޓް ޑައުންވުމާ ގުޅޭ ގޮތުން ރަސްމީކޮށް އެ ޕްލެޓްފޯމް ހިންގާ ފަރާތްތަކުން އަދި ވަކި އެއްޗެއް ނުބުނެއެވެ. ނަމަވެސް އެ އެޕްލިކޭޝަނަށް އެއްވެސް އެއްޗެއް މި ގަޑީގައި ޕޯސްޓް ނުކުރެވޭކަން ފާހަގަކޮށް، ވަރަށް ގިނަ މީހުން ދަނީ ކަންބޮޑުވުން ފާޅު ކުރަމުންނެވެ.
ރިޕޯޓުތަކުން ބުނާ ގޮތުގައި ސްނެޕްޗެޓްގެ އިތުރުން ސްޕޮޓްފައިއާއި މެސެޖިން އަދި ޑިޖިޓަލް ޕްލެޓްފޯމްއެއް ކަމަށްވާ ޑިސްކޯޑް ވެސް ވަނީ ޑައުންވެފައެވެ.
