Tuesday, 17 November 2026
Advertisement
MWSC — SmartMeter (leaderboard)
ސަރުކާރު

ހަރުކަށި ފިކުރު ހުއްޓުވުމަށް ހާއްސަ ޕްރޮގްރާމެއް ފަށަނީ

ހަރުކަށި ފިކުރު ހުއްޓުވުމަށް ހާއްސަ ޕްރޮގްރާމެއް ފަށަނީ
ދީނުގެ ނަމުގައްޔާއި، ދީނާ ދެކޮޅަށް ހަރުކަށި ފިކުރު ފަތުރާ، މީހުންގެ ފުރާނައާއި މުދަލަށް ގެއްލުންދޭ މީހުންނަށް، އިސްލާމްދީނުގެ ސައްހަ އަގީދާ ހާމަކޮށްދިނުމުގައި، ދީނީ އިލްމުވެރިންގެ އެހީގައި މި އަހަރު "ނޭޝަނަލް މޮޑެރޭޝަން ކެމްޕެއިން" ކުރިއަށް ގެންދެވޭނެ ކަމަށް ރައީސް އިބްރާހީމް މުހައްމަދު ޞާލިހު ވިދާޅުވެއްޖެއެވެ. ރިޔާސީ ބަޔާން އިއްވަވައި ދެއްވައި ރައީސް މިއަދު ވިދާޅުވީ، މިދިޔަ އަހަރު ސަރުކާރުން އެންމެ އިސްކަން ދިން ސިޔާސަތަކީ އިސްލާމްދީނުގެ ސައްހަ މައުލޫމާތު ދިވެހީންގެ ހިތްތަކުގައި އަށަގެންނެވުން ކަމަށެވެ. ރައީސް ޞާލިހު ވިދާޅުވީ އިސްލާމީ ތަރިކައާއި ދީނުގެ ސައްހަ އަގީދާގެ ބިންގަލަކީ ފުރިހަމަ ދިވެހި ޖީލެއް ބިނާކުރުމުގެ އަސްލު ކަމަށެވެ. އެގޮތުން މިދިޔަ އަހަރު ސަރުކާރުން އެންމެ އިސްކަންދިން ސިޔާސަތަކީ ވެސް، މާތްވެގެންވާ އިސްލާމްދީނުގެ ސަައްހަ މައުލޫމާތު، ދިވެހިންގެ ހިތްތަކުގައި އަށަގެންނެވުމާއި، އިސްލާމީ ރިވެތި އަދަބު އަހްލާގުގެ މަތީގައި ދަރިން ތަރުބިއްޔަތުކޮށް ބޮޑެތިކުރުން ކަމަށް ވިދާޅުވިއެެވެ.
"މިގޮތުން، މިދިޔަ އަހަރު ރާއްޖޭގެ 180 ރަށެއްގައި އިސްލާމްދީނުގެ ސައްހަ މައުލޫމާތު ދިނުމާއި، އިސްލާމްދީނުގެ ރިވެތި އުސޫލުތަކަށް ހޭލުންތެރިކުރުމުގެ މަސައްކަތް ކުރިއަށް ގެންދެވުނު." ރައީސް ވިދާޅުވިއެވެ.
މީގެ އިތުރުން ރައީސް ޞާލިހު ވިދާޅުވީ އިމާމުންނާއި މުދިމުންނަށް އިސްލާމީ ތައުލީމުގެ ރޮނގުން ޑިގްރީ ހޯދައިދިނުމަށް 290 މީހުން ދަނީ ތައުލީމީ މަރުހަލާ ފުރިހަމަކުރަމުން ކަމަށެވެ. އަދި ޤުރުއާން މުދައްރިސުން ބިނާ ކުރުމުގެ މަސައްކަތުގެ ދަށުން، މިދިޔަ އަހަރު 1،599 މީހުން ތަމްރީނު ކުރެވިފައިވާ ކަމަށް ވެސް ވިދާޅުވިއެވެ.
"އަދި ހައްޖާއި އުމްރާއާއި، ވަޤްފުގެ ކަންކަމާއި އަދި ޒަކާތާބެހޭ ގާނޫނުތައް އެކުލަވައިލައި، މިއަހަރުގެ ތެރޭގައި މި އިއްޒަތްތެރި މަޖިލީހަށް ފޮނުވާނަން. ރާއްޖޭގެ އެކި ކަންކޮޅުތަކުގައި ޒަމާނީ ފަރުމާގެ އައު މިސްކިތްތައް ބިނާކުރުން ހުއްޓުމެއް ނެތި ކުރިއަށްދާނެ." ރައީސް ވިދާޅުވިއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.