މިދިޔަ 24 ގަޑިއިރު ތެރޭ އިތުރު 129 މީހަކަށް ކޮވިޑް ޖެހިއްޖެ

މިދިޔަ 24 ގަޑިއިރު ތެރޭ އިތުރު 129 މީހަކަށް ކޮވިޑް ޖެހިއްޖެއެވެ.

Ads by STELCO

ހެލްތު ޕްރޮޓެކަޝަން އެޖެންސީ(އެޗްޕީއޭ) އިން ބުނީ މި 129 މީހުންގެ ތެރެއިން 127 ކޭސް ފެނިފައިވަނީ މާލެއިން ކަމަށާއި އަނެއް ދެ ކޭސް ފެނިފައިވަނީ އަތޮޅުތެރެއިން ކަމަށެވެ.

މިއަދު ފައްސިވި މީހުންގެ ތެރޭގައި ހިމެނެނީ 93 ދިވެހިންނާއި، ބަންގްލަދޭޝްގެ 23 މީހަކާއި، އިންޑިއާގެ 8 މީހަކާއި ސްރިލަންކާ ހަތަރު މީހަކާއި އިންޑޮނޭޝިއާ މީހެއް ކަމަށެވެ.

މިއަދު ފައްސިވި މީހުންނާއެކު ރާއްޖޭގެ އަދަދު ވަނީ 4293 އަށް އަރާފައެވެ. މީގެތެރެއިން ފަރުވާ ދެމުން އަންނަނީ 1490 މީހުންނަށެވެ.

ރާއްޖެއިން ކޮވިޑް ޖެހިގެން މިހާތަނަށް ނިޔާވެފައި ވަނީ 18 މީހެކެވެ. އޭގެ ތެރޭގައި ހިމެނެނީ 12 ދިވެހީންނާއި، ހަ ބިދޭސީންނެވެ.