ސައުދު އެމްޑީޕީއަށް، މަޖިލިސް މެންބަރުގެ ޢަދަދު 66އަށް

ރައްޔިތުންގެ މަޖިލީހުގެ ވިލިނގިލި ދާއިރާގެ މެންބަރު ސައުދު ހުސައިން އެމްޑީޕީއަށް ސޮއިކުރައްވައިފިއެވެ.

ސައުދު އެމްޑީޕީއަށް ސޮއި ކުރައްވައިފައިވާ ކަމަށް އެމްޑީޕީގެ ޕާލިމެންޓްރީ ގުރޫޕްގެ ބައެއް ބޭފުޅުންނާ ހަވާލާދީ ބައެއް މިީޑިއާތަކުން ރިޕޯޓްކޮށްފައިވެއެވެ. ނަމަވެސް ސައުދުގެ ބަހެއް ލިބޭ ގޮތެއް ނުވިއެވެ.

ބައެއް ބޭފުޅުން ވިދާޅުވި ގޮތުގައި ސައުދު އެމްޑީޕީއަށް ސޮއި ކުރެއްވީ މިދިޔަ ޖޫން މަހުގެ 29ވަނަ ދުވަހުއެވެ.

ސައުދު އެމްޑީޕީއަށް ސޮއި ކުރެއްވުމާ ގުޅިގެން އެ ޕާޓީގެ ޕާލިމެންޓްރީ ގުރޫޕްގައި 66 މެންބަރުން މިހާރު ތިއްބަވާނެއެވެ.

ރައްޔިތުންގެ މަޖިލީހުގެ ވިލިނގިލި ދާއިރާގެ މެންބަރުކަމަށް ދެވަނަ ދައުރަކަށް ސައުދު އިންތިހާބުވީ އަމިއްލަ މެންބަރެއްގެ ގޮތުގައެވެ.