ޑްރަގް މައްސަލައެއްގައި ރަޙްމަތްތެރިއެއްގެ ބައްޕަ ސަލާމަތްކުރަން އުޅުނު މީހަކު ޢުމުރަށް ޖަލަށް
ރަޙްމަތްތެރިއެއްގެ ބައްޕަ ސަލާމަތްކުރުމަށް ކަމަށް ބުނެ މަސްތުވާތަކެތި ޓްރެފިކް ކުރުމުގެ ދަޢުވާއަށް އިޢުތިރާފުވި މީހަކު ޢުމުރަށް ޖަލަށްލުމަށް ކްރިމިނަލް ކޯޓުން އިއްޔެ ޙުކުމްކޮށްފިއެވެ.
އެ ޙުކުމްކޮށްފައިވަނީ އަޒުވަޒު މުޙައްމަދު ކިޔާ މީހެއްގެ މައްޗަށެވެ. އޭނާގެ މައްޗަށް އެ ޙުކުމް އައީ, 2019 ވަނަ އަހަރު ޑިސެމްބަރުމަހުގައި މާލެއިން ފުރަން އުޅުނު ލޯންޗެއްގައި ހުރި އެހެން މީހެއްގެ އަތުން 19 ގްރާމުގެ މަސްތުވާތަކެތި ފެނިފައިވާ މައްސަލައިގައެވެ. އެ ތަކެއްޗަކީ އަޒުވަދުގެ ތަކެތިކަމަށް ތަޙްޤީޤުގައި އޭނާ ވަނީ އެއްބަސްވެފައެވެ.
އެ މައްސަލައިގައި ޑައިމޯފިން ޓްރެފިކް ކުރުމުގެ ދަޢުވާ އުފުލުމުން އިބްތިދާޢީ މަރުހަލާގައި ދަޢުވާއަށް އިންކާރުކުރިއެވެ. އަދި ތަޙްޤީޤުގައި އިޢުތިރާފުވީ ރަޙްމަތްތެރިއެއްގެ ބައްޕަ ސަލާމަތްކޮށްދިނުމުގެ ގޮތުން ކަމަށާއި, ފެނުނު މަސްތުވާތަކެއްޗާ ގުޅުމެއް ނޯންނާނެކަމަށް ކޯޓުގައި އޭނާ ބުނެފައިވެއެވެ.
ނަމަވެސް ޝަރީޢަތުގެ މަރުހަލާ ފެށުމުން އަނެއްކާ ވެސް ކުށަށް އިޢުތިރާފުވިއެވެ. އެ ގޮތުން ކޯޓުން އިއްޔެ ޙުކުމްކުރީ އޭނާ ޢުމުރަށް ޖަލަށްލައި, 200,000 ރުފިޔާއިން ޖޫރިމަނާ ކުރުމަށެވެ. އެ ފައިސާ އެއްއަހަރު ދުވަހުގެތެރޭ ދައްކަން ވަނީ އަންގާފައެވެ.
ދޮގު ވާހަކަ ނުފަތުރާ! ރަހުމަތްެތެރިއެއްގެ ބައްޕައެއް ކަމެއް އެހެން މީހެއް ކަމެއް ނޭނގެ. ގައިމުވެސް ހަގީގަތަކީ ލޯންޗުގަ އިންމީހަގެ އަތަށް “ބޭބެ މިދިވެހިބޭސްކޮޅު ހަވާލުކޮށްދީބަލަ ޖެޓީގަ ހުންނާނެ މީހަކު ބަލާ އައިސް” މިހެން ކިޔާފަ އޭތި ދިނީ އަޒުވަދު. އެހަގީގަތް ބަދަލުކުރަން ނަހަދާ…!!! މުސްކުޅި ބޭބެ އަކަށް ނޭނގެ އެއީ ކޯޗެއް ކަމެއް. އަދި ޖީބަށް ލިގޮތަށް ނުވެސް ބަލާ އެއީ ކޯޗެއް ތޯވެސް