Saturday, 21 November 2026
Advertisement
Ooredoo — Airfibre (leaderboard)
ސަރުކާރު

ކުރިން ދެއްކެވި ވާހަކަ އަދިވެސް: ''ނުކުޅެދުންތެރިކަން ހުންނަ މީހުންގެ އެލަވަންސް ބޮޑުކޮށްދޭނަން''

ކުރިން ދެއްކެވި ވާހަކަ އަދިވެސް: ''ނުކުޅެދުންތެރިކަން ހުންނަ މީހުންގެ އެލަވަންސް ބޮޑުކޮށްދޭނަން''

ނުކުޅެދުންތެރިކަން ހުންނަ މީހުންގެ ދަފްތަރު އެކުލަވައިލުމުގެ މަސައްކަތް ނިމުމުން, ނުކުޅެދުންތެރިކަން ހުންނަ މީހުންނަށް ދޭ އެލަވަންސް ބޮޑުކޮށްދެއްވާނެ ކަމަށް ރައީސް އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.

މި އަހަރުގެ ރިޔާސީ ބަޔާނުގައި ރައީސް ވަނީ ނުކުޅެދުންތެރިކަން ހުރި ފަރާތްތަކަށް ދޭ ޢިނާޔަތް މި އަހަރު ފަހުކޮޅު ބޮޑުކުރަން ނިންމަވާފައިވާކަން ހާމަކުރައްވައިފައެވެ. އޭގެ ކުރިން 2018 ގެ ރިޔާސީ އިންތިޚާބުގައި ވެސް މި ވާހަކަ ދެއްކެވިއެވެ.

ލ.ގަމުގައި ބޭއްވި ވިޔަވަތި ރާއްޖެ ކޮންފަރެންސް ނިންމުމުގެ ރަސްމިއްޔާތުގައި ދެއްކެވި ވާހަކަފުޅުގައި ރައީސް ވިދާޅުވީ ނުކުޅެދުންތެރިކަން ހުންނަ މީހުންގެ ދަފްތަރެއް އެކުލަވައިލުމުގެ މަސައްކަތް ޖެންޑާ މިނިސްޓްރީން ކުރަމުންދާ ކަމަށެވެ. އެ މަސައްކަތް ނިމުމުން, ނުކުޅެދުންތެރިކަން ހުންނަ މީހުންނަށް ދޭ އެލަވަންސް ބޮޑުކޮށްދެއްވާނެކަމަށް އެ މަނިކުފާނު ވިދާޅުވިއެވެ.

Advertisement
Ooredoo — Truecaller (box)

''މިހާރު ދަފްތަރެއް އެކުލަވައިލުމުގެ މަސައްކަތް އެ ގެންދަނީ. އިރާދަކުރެއްވިއްޔާ އެކަން ނިމުމާ އެކީގައި ނުކުޅެދުންތެރިކަން ހުންނަ ފަރާތްތަކަށް ދޭ އެލަވަންސް ބޮޑުކޮށްދޭނެ ވާހަކަ އަޅުގަނޑު ދަންނަވަން.''

ނުކުޅެދުންތެރިކަން ހުންނަ މީހުންނަށް މިހާރު ދެނީ 2000 ރުފިޔާގެ އެލަވަންސެކެވެ. އެ އެލަވަންސް 5000 އަށް ބޮޑުކޮށްދިނުމަށް އެދި މި އަހަރުގެ ފުރަތަމަކޮޅު ރައީސަށް ޕެޓިޝަނެއް ވެސް ހުށަހެޅިއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.