Friday, 20 November 2026
Advertisement
Ooredoo — Airfibre (leaderboard)
ޝަރުޢީ ދާއިރާ

ޝައިޚް ބަންދުކުރަން އެދި ހައިކޯޓަށް ހުށަހަޅާފައިވާ މައްސަލައިގެ އަޑުއެހުން މިއަދު

ޝައިޚް ބަންދުކުރަން އެދި ހައިކޯޓަށް ހުށަހަޅާފައިވާ މައްސަލައިގެ އަޑުއެހުން މިއަދު

ބައިނަލްއަޤްވާމީ ޔޯގާ ދުވަސް ފާހަގަކުރަން މިދިޔަ ޖޫންމަހުގެ 21 ވަނަ ދުވަހު ގަލޮޅު ދަނޑުގައި ބޭއްވި ހަރަކާތް ކުރިއަށްދިޔަ ވަގުތު ބަޔަކު އެ ތަނަށް ވަދެ ހިންގި ހަމަނުޖެހުމާ ގުޅިގެން ހައްޔަރުކުރި ޝައިޚް ފަޟްލޫން މުޙައްމަދު ބަންދުން ދޫކޮށްލަން ކްރިމިނަލް ކޯޓުން ކުރި ޢަމުރުގެ އިސްތިއުނާފުގެ ޝަރީޢަތުގެ ދެވަނަ އަޑުއެހުން މިއަދު ބާއްވަން ހައިކޯޓުން ތާވަލުކޮށްފިއެވެ.

ހައިކޯޓުގައި މި މައްސަލައިގެ ފުރަތަމަ އަޑުއެހުން ބޭއްވީ މި މަހުގެ 15 ގައެވެ. ދެވަނަ އަޑުއެހުމެއް އޮންނާނީ މިއަދު 13:45 ގައެވެ.

''އަހަރެން ބަންދުން ދޫކޮށްލުމަށް ކްރިމިނަލް ކޯޓުން ކުރި އަމުރު ބާތިލުކޮށް, މުއްދަތެއް ނެތް ގޮތަށް ބަންދުކުރުމަށް އެދި ދައުލަތުގެ ފަރާތުން ހައިކޯޓަށް ހުށަހަޅާފައިވާ މައްސަލައިގެ އަޑުއެހުން މިއަދު 13:45 ގައި. އެންމެހާ ލޮބުވެތި އަޚުންނާއި އުޚުތުންގެ އިޚްލާސްތެރި ދުޢާއަށް އެދެން.'' ޝައިޚް ފަޟްލޫން މިއަދު  ވިދާޅުވިއެވެ.

Advertisement
Allied — Dhen Online (box)

ކްރިމިނަލް ކޯޓުން ޝައިޚް ފަޟްލޫން ދޫކޮށްލީ މާލެއިން އަދި ރާއްޖެއިން ބޭރަށްދާނަމަ ކޯޓަށް އެންގުމަށާއި, އެޑްރެހާއި ފޯނު ނަންބަރު ބަދަލުވެއްޖެނަމަ އެކަން ވެސް އެންގުމަށާއި, ފުުލުހުންގެ ތަޙްޤީޤަށް އެއްބާރުލުން ދިނުމަށް ވަނީ އަންގައި ޝަރުތުކޮށްފައެވެ.

ޝައިޚް ފަޟްލޫން ދޫކޮށްލި ފަހުން ދެތިން ފަހަރެއްގެ މަތިން ފުލުހަށް ވެސް ހާޒިރުކޮށްފައިވެއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.