ބަނގުރާ ބޮއި, އޭގެ ވިޔަފާރި ކުރާކަމުގެ ތުހުމަތުގައި ހައްޔަރުކުރި އިންޑިއާ މީހާ ދޫކޮށްލައިފި

ބަނގުރާ ބޭނުންކޮށް އެ ތަކެތި ގެންގުޅެ, ވިޔަފާރިކުރާކަމުގެ ތުހުމަތުގައި ހައްޔަރުކުރި އިންޑިއާ މީހާ ބަންދުން ދޫކޮށްލައިފިއެވެ.

Ads by Sosun Fihaara

މި މައްސަލައިގައި މިދިޔަ ސެޕްޓެމްބަރު 20 ވަނަ ދުވަހު ހައްޔަރުކުރީ ޢުމުރުން 26 އަހަރުގެ ފިރިހެނެކެވެ.

އޭނާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން ބަންދަށް ދިނީ 15 ދުވަހެވެ.

އެ މުއްދަތު ހަމަވުމާއެކު އިއްޔެ އޭނާ ކޯޓަށް ހާޒިރުކުރުމުން އިސް ގާޒީ އަޙްމަދު ޝަކީލު ނިންމެވީ ޝަރުތުުކުރުމަށްފަހު އޭނާ ބަންދުން ދޫކޮށްލުމަށެވެ. ނަމަވެސް އެއީ ކޮން ޝަރުތުތަކެއް ކަމެއް ކޯޓު އަމުރުގައި ބަޔާންކޮށްފައެއް ނުވެއެވެ.

އިންޑިއާއަށް ނިސްބަތްވާ އެ މީހާއަކީ ތިލަފުށީގައި ހުންނަ ގަލްފް ކްރާފްޓް ސައިޓުގައި އުޅޭ މީހެއްކަމަށް ކޯޓު އަމުރުގައި ބުނެފައިވެއެވެ.