އެކުވެރިޔާއަށް ހަމަލާދިނުމަށްފަހު ފިލައިގެން އުޅުނު މީހާ ހައްޔަރުކޮށްފި

ނ.ވެލިދޫގައި ޒުވާނަކަށް ތޫނު އެއްޗަކުން ހަމަލާދީ ޒަޚަމްކޮށްލި މީހާ ހައްޔަރުކޮށްފިއެވެ.

Ads by MWSC

މި މަހުގެ ފަސްވަނަ ދުވަހުގެ ރޭ މެންދަމު 00:30 ހާއިރު 19 އަހަރުގެ ފިރިހެނަކަށް ހަމަލާދިނުމަށްފަހު އޭނާ ފިލައިގެން ދިޔައީ ރ.ދުވާފަރަށެވެ.

ފުލުހުން ހާމަކުރި ގޮތުގައި 18 އަހަރުގެ އެ މީހާގެ ބަންދާމެދު ގޮތެއް ނިންމަން ކޯޓަށް ހާޒިރުކުރުމުން ވަނީ ބަންދަށް 15 ދުވަސް ޖަހައިފައެވެ.

މާރާމާރީ ހިންގި ދެ މީހުންނަކީ ދެ އެކުވެރިންނެވެ. އެނގިފައިވާ ގޮތުން 19 އަހަރުގެ ޒުވާނާގެ ބުރަކަށްޓަށް ވަޅިން ހަމަލާ ދިނުމުން އޭނާގެ އެއް ފައި ރަނގަޅަށް ހަރަކާތެއް ނުކުރެއެވެ. އޭނާއަށް އިތުރު ފަރުވާދިނުމަށް މާލެ ގެނެސް އައިޖީއެމްއެޗްގައި ފަރުވާދެމުން އަންނައިރު އޭނާގެ ހާލަތާ ގުޅޭ ގޮތުން ހޮސްޕިޓަލުގެ ބަހެއް އަދި ނުލިބެއެވެ.