2023 ވަނަ އަހަރަށް ލަފާކުރާ ބަޖެޓް މާދަމާ މަޖިލީހަށް ހުށަހަޅަނީ

2023 ވަނަ އަހަރަށް ލަފާކުރާ ދައުލަތުގެ ބަޖެޓު މާދަމާ ރައްޔިތުންގެ މަޖިލީހަށް ހުށަހަޅަން ނިންމައިފިއެވެ.

Ads by MWSC

އަންނަ އަހަރަށް ކަނޑައަޅާފައިވަނީ 41.5 ބިލިއަން ރުފިޔާގެ ބަޖެޓެކެވެ.

ފިނޭންސް މިނިސްޓްރީން ބުނީ އަހަރަށް ލަފާކުރާ ދައުލަތުގެ ބަޖެޓު މާދަމާގެ ޖަލްސާގައި ހުށަހަޅުއްވާނެ ކަމަށާއި, މިނިސްޓަރު އިބްރާހިމް އަމީރު ބަޖެޓު ބަޔާން ދެއްވާނެ ކަމަށެވެ.

މީގެ އިތުރުން މިދިޔަ މާލީ އަހަރުގައި ދައުލަތުގެ ޚަރަދުތައް ހިނގި ގޮތާއި ލިބުނު ޢާމްދަނީގެ ހިސާބުތަކާ ބެހޭ ގޮތުން ވެސް ވާހަކަދައްކަވާނެއެވެ.

ޤާނޫނުއަސާސީގައިވާ ގޮތުން އެންމެ ލަސްވެގެން ކޮންމެ އަހަރެއްގެ ވެސް ނޮވެމްބަރު މަހުގެ 01 ވަނަ ދުވަހުގެ ކުރިން ބަޖެޓު، މަޖިލީހަށް ހުށަހަޅުއްވާން ޖެހޭނެއެވެ. ނަމަވެސް ގިނަފަހަރު އެ ތާރީޚަކަށް ބަޖެޓު ހުށަހެޅުއްވިފައެއް ނުވެއެވެ.