ބަޖެޓު 2023 ގެ އަމާޒުހުރީ ވޯޓަށް ނުފޫޒު ފޯރުވަން: އާދަމް ޝަރީފް
އަންނަ އަހަރަށް ލަފާކުރާ ދައުލަތުގެ ބަޖެޓުގެ އަމާޒަކީ ރިޔާސީ އިންތިޚާބުގެ ވޯޓަށް ނުފޫޒު ފޯރުވުންކަމަށް މަޑުއްވަރީ ދާއިރާގެ މެންބަރު އާދަމް ޝަރީފް ޢުމަރު މިއަދު ވިދާޅުވެއްޖެއެވެ.
އަންނަ އަހަރަށް ލަފާކޮށް ހުށަހަޅާފައިވަނީ 42.6 ބިލިއަން ރުފިޔާގެ ބަޖެޓެކެވެ.
މަޖިލީހުގެ މިއަދުގެ ޖަލްސާގައި ބަޖެޓު ހުށަހަޅުއްވަމުން ފިނޭންސް މިނިސްޓަރު އިބްރާހިމް އަމީރު ވިދާޅުވީ ބަޖެޓުގެ އަމާޒަކީ ސަރުކާރުން ރައްޔިތުންނަށް ވީ ވަޢުދުތައް ފުއްދައިދިނުން ކަމަށެވެ.
އެ ގޮތުން އާދަމް ޝަރީފް ވިދާޅުވީ ބަޖެޓުގެ އަމާޒަކީ ރިޔާސީ އިންތިޚާބުގެ ވޯޓަށް ނުފޫޒު ފޯރުވުން ކަމަށެވެ. އަދި އެއީ ހާސިލު ނުކުރެވޭނެ ކަންތައްތަކެއް ހިމަނާފައިވާ ބަޖެޓެއްކަމަށް އާދަމް ޝަރީފް ވިދާޅުވިއެވެ.
''ހުށަހަޅުއްވާފައިވަނީ އަންރިއަލިސްޓިކް, ހާސިލު ނުކުރެވޭނެ ކަންތައްތަކެއް ހިމަނާފައިވާ ބަޖެޓެއް.''
އަންނަ އަހަރަށް ލަފާކޮށް 42.6 ބިލިއަން ރުފިޔާގެ ބަޖެޓެއް ހުށަހަޅާފައިވާއިރު, އާމްދަނީގެ ގޮތުގައި 32 ބިލިއަން ރުފިޔާ ލިބޭނެކަމަށް ލަފާކޮށްފައިވެއެވެ. އަދި 40.5 ބިލިއަން ރުފިޔާ ޚަރަދުވާނެކަމަށް ވަނީ ލަފާކޮށްފައެވެ.
މިދިޔަ 4 އަހަރު ބަޖެޓް މިހާ ބޮޑެއްނުވެ ކުއްލިއަކަށް 5 ވަނަ އަހަރު ބަޖެޓް މިހާބޮޑު ވާން ޖެހުނު ސަބަބަކީ ހަމަ ވޯޓަށް ނުފޫޒް ފޯރުވަން ނުންތޯ ! ފަސް އަހަރުން ބަޖެމިހާ ބޮޑުވާނެ ޖެހޭތޯ !