އެމްއެންޑީއެފުގެ ހިމާޔަތުގައި ޔޯގާގެ އަޅުކަމެއް ކުރިކަމަށް ބުނާ ވީޑިއޯއެއް

އެމްއެންޑީއެފުން ސެކިއުރިޓީއާއި ހިމާޔަތް ދީގެން ހުޅުމާލޭގައި ހިންދީ ދީނުގެ ޔޯގާ ހަރަކާތުގެ އެންމެ ބޮޑު ޝިރުކު ހިމެނޭ އަޅުކަމެއް ކުރުމުގެ ފުރުސަތު ދިންކަމަށް ވިދާޅުވެ ޝައިޚް އާދަމް ނިޝާން ވީޑިއޯއެއް ޢާންމު ކުރައްވައިފިއެވެ.
ހުޅުމާލޭ ތޮށިގަނޑު މަތީގައި މީހަކު މޫދާ ވީ ފަރާތަށް ކުރިމަތިލައިގެން ޔޯގާގެ ހަރަކާތްތަކެއް ކުރާ މަންޒަރު ފެންނަ ވީޑިއޯއެއް ޢާންމު ކުރައްވައި ޝައިޚް ނިޝާން ވިދާޅުވީ އެއީ އިއްޔެގެ ހެނދުނުގެ މަންޒަރެއް ކަމަށެވެ.
އެ ވީޑިއޯއިން ސެކިއުރިޓީ ގާޑުން ތަންކޮޅެއް ދުރުގައި ތިބި މަންޒަރު ވެސް ފެނެއެވެ.
މިއީ މިއަދު ހެނދުނު އެމްއެންޑީއެފުން ސެކިއުރިޓީއާއި ހިމާޔަތް ދީގެން ހުޅުމާލޭގައި، ހިންދީ ދީނުގެ ޔޯގާ ޙަރަކާތުގެ އެންމެ ބޮޑު ޝިރުކު ހިމެނޭ "ސޫރިޔާ ނަމަސްކާރު - ސަން ސެލިއުޓޭޝަން" ހެދުމަށް، މި ފަސްގަނޑުގައި ފުރުސަތު ދީފައިވާ ތަން.https://twitter.com/adamnishanali/status/1591501099038801920?t=RXLn0V_dX51sxOgSorIVpQ&s=19 އެއީ ''ދީނީ ގޮތުން މިއީ އެއްގޮތަކަށްވެސް ހުއްދަވާނެ ކަމެއް ނޫން'' ކަމަށް ޝައިޚް ނިޝާން ވިދާޅުވިއެވެ. އެހެން ދީންތަކުގެ މިފަދަ ޝިރުކުގެ ޢަމަލުތައް ކުރުމަށް ފުރުސަތު ދިނުމަކީ ޤާނޫނީ ގޮތުން ވެސް މަނާކުރެވިފައިވާ ކަމެއްކަން ޝެއިޚް ނިޝާން ފާހަގަކުރެއްވިއެވެ. އަދި ދިވެހި ސިފައިންނާއި ފުލުހުންގެ މައްޗަށް ދީނީގޮތުންނާއި ޤާނޫނީ ގޮތުން ވާޖިބުވެ ލާޒިމްވެގެންވަނީ މިފަދަ ކަންކަން ހުއްޓުވުންކަމަށްވެސް ޝެއިޚް ނިޝާން ވިދާޅުވިއެވެ. ޝެއިޚް ނިޝާން ވަނީ މިފަދަ ޝިރުކާއި ކުފުރުގެ ކަންކަން ކުރުމަށް ފުރުސަތުދީ، އެ ތަންތަނުގެ ސެކިއުރިޓީ ބަލަހައްޓައި ހިމާޔަތްދީ ހަދާ މީސްތަކުން މާދަމާ އެ މުޝްރިކުންނާއި ޝިރުކުގެ ޢަމަލުތަކާއެކު މަޙްޝަރު ވާން ބޭނުންވަނީތޯ ސުވާލު ކުރައްވައިފައެވެ. އަދި ތިމަންމެން އެކަން ކުރީ ތިމަންމެންގެ ވެރީންނާއި ބޮޑުން އަންގައިގެނޭ ބުނެ ސަލާމަތްވާނޭ ކަމަށް ހީކުރަނީތޯ ވެސް ސުވާލު ކުރެއްވިއެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.