ހިޔާ ޓަވަރެއްގެ ތިންވަނަ ލިފްޓަށް ދިމާވި މައްސަލަ ހައްލުކޮށްފި

ހިޔާ 16 ވަނަ ޓަވަރުގެ ތިންވަނަ ލިފްޓަށް ދިމާވި މައްސަލަ ހައްލުކޮށްފައިވާކަމަށް ހައުސިން ޑިވެލޮޕްމަންޓް ކޯޕަރޭޝަނުން މިއަދު ވިދާޅުވެއްޖެއެވެ.

Ads by Hajj Corporation

ހިޔާ 16 ވަނަ ޓަވަރުގެ ތިންވަނަ ލިފްޓަށް ދިމާވި ޓެކްނިކަލް މައްސަލައަކާ ގުޅިގެން ލިފްޓުގެ ޚިދުމަތް މެދުކެނޑުނީ މި މަހުގެ 15 ވަނަ ދުވަހުއެވެ. އެ ގޮތުން އެ މައްސަލަ ވީހާވެސް އަވަހަށް ހައްލުކުރަން އެ ކުންފުނިން އައީ މަސައްކަތް ކުރަމުންނެވެ.

އެޗްޑީސީން މިއަދު ކުރެއްވި ޓުވީޓެއްގައި ވިދާޅުވީ ހިޔާ 16 ވަނަ ޓަވަރުގެ ތިންވަނަ ލިފްޓަށް ދިމާވި މައްސަލަ މިހާރު ވާނީ ހައްލުކުރެވިފައި ކަމަށެވެ.

އަދި ލިފްޓުގެ ޚިދުމަތް މެދުކެނޑުމުގެ ސަބަބުން ލިފްޓް ބޭނުންކުރާ ފަރާތްތަކަށް ދިމާވި ދަތިތަކަށް އަދިވެސް އެއްފަހަރު މާފަށް އެދޭކަމަށް އެޗްޑީސީން ވިދާޅުވިއެވެ.