ބޮޑު ހުޅުގެ ސަބަބުން ލިބުނު ގެއްލުންތަކަށް މަޢާފަށް އެދެން ގޮވައިލައްވައިފި
ރައީސް މުޙައްމަދު ނަޝީދުގެ ވެރިކަމުގައި، 2008 ވަނަ އަހަރުގެ ފެބުރުއަރީ މަހު ގެ 8 ވަނަ ދުވަހު މަޖިލީހުގެ ރައީސް މުހައްމަދު ނަޝީދު އިސްވެ ހުންނަވައި ދިވެހި ދަޢުލަތަށް ދިން ގެއްލުންތަކަށް ރައްޔިތުންގެ ކިބައިން މާފަށް އެދުމަށް ރައްޔިތުން މަޖިލީހުގެ ނޮޅިވަރަމް ދާއިރާގެ މެންބަރު މުހައްމަދު ނަޝީދު އަބްދުﷲ (މޮސްޓާ) ގޮވާލައްވައިފިއެވެ.
މޮސްޓާ ވިދާޅުވީ 8 ފެބުރުއަރީގައި ރައީސް ނަޝީދާއި އެމްޑީޕީގެ މެންބަރުން ނިކުމެ 300 އެތައް މިލިއަން ރުފިޔާގެ ގެއްލުން ދިވެހި ދަޢުލަތާއި ދިވެހި ރައްޔިތުންނަށް ދީފައިވާކަމަށާއި ރައީސް ނަޝީދު އިސްވެ ހުންނަވާ ހިންގި އެ ޖަރީމާއަށް ދިވެހި ރައްޔިތުންގެ ކިބައިން މަޢާފަށް އެދުމަށް ގޮވައިލައްވާކަމަށެވެ.
"މިއަދަކީ ދިވެހިރާއްޖޭގައި މީގެ 11 އަހަރު ކުރިން ބަޣާވާތެއް ގެންނަން ޚާއިނުންތަކެއް އިސްވެ ތިބެގެން ނިކުމެ 300 އެތައް މިލިއަން ރުފިޔާގެ ގެއްލުން ދިވެހި ދައުލަތާއި ދިވެހި ރައްޔިތުންނަށް ދިން ދުވަހެއް." މޮސްޓާ ވިދާޅުވެފައިވެއެވެ.
2012 ވަނަ އަހަރުގެ ފެބްރުއަރީމަހުގެ ހަތް ވަނަ ދުވަހު ރައީސް މުޙައްމަދު ނަޝީދު ވަނީ މަޤާމުން އިސްތިއުފާ ދެއްވައިފައެވެ. އަދި އޭގެ އަނެއް ދުވަހު، އެމްޑީޕީއަށް ނިސްބަތްވާ ބައެއް އެކްޓިވިސްޓުން ވަނީ ތަންތަނުގައި ހުޅު ޖަހައިފައެވެ.
