ވައިކަރަދޫ ކައުންސިލުގެ ބައި އިލެކްޝަން އެމްޑީޕީގެ ކެންޑިޑޭޓު ކާމިޔާބުކޮށްފި

ހދ. ވައިކަރަދޫ ކައުންސިލްގެ އަންހެން މެންބަރު އިންތިޚާބު ކުރުމަށް ބޭއްވި ބައި-އިލެކްޝަން އެމްޑީޕީގެ ކެންޑިޑޭޓު ކާމިޔާބުކޮށްފިއެވެ.
މިއަދު ބޭއްވި މި އިންތިޚާބުގެ ވަގުތީ ނަތީޖާ މިހާރު އިލެކްޝަން ކޮމިޝަނުން ވަނީ އާންމުކޮށްފައެވެ. މިގޮތުން ވަގުތީ ނަތީޖާ ދައްކާގޮތުން އެމްޑީޕީގެ ކެންޑިޑޭޓް އައިޝަތު ޝިޒުނާއަށް 283 ވޯޓު ލިބުނު އިރު ޝިޒުނާއާއި ވާދަ ކުރި އަދާލަތު ޕާޓީގެ ކެންޑިޑޭޓު ފާތިމަތު ނަޒްލާއަށް ލިބުނީ 258 ވޯޓެވެ.
މި އިންތިޚާބުގައި ވޯޓުލުމުގެ ހައްގު ލިބިފައިވާ 1361 މީހުން ތިބި އިރު އިންތިޚާބުގައި ވޯޓުލާފައިވަނީ 576 މީހުންނެވެ. މިއީ ވޯޓުލުމުގެ ހައްޤު ލިބުނު މީހުންގެ 42.32 އިންސައްތަ މީހުންނެވެ.
ވައިކަރަދޫ ކައުންސިލުގެ ބައި އިލެކްޝަން މިއަދު ބާއްވާފައިވާއިރު ވ.ރަކީދޫ އާއި ތިނަދޫގެ ބައި އިލެކްޝަން 2023 އެޕްރީލް 15 ވާ ހޮނިހިރު ދުވަހު ބޭއްވުމަށް ވަނީ ހަމަޖެހިފައެވެ. މީގެ އިތުރުން ރައްޔިތުންގެ މަޖިލީހުގެ ހުސްވެފައިވާ ގުރައިދޫ ދާއިރާގެ ގޮނޑިއަށް މެމްބަރަކު ހޮވުމަށް ބާއްވާ އިންތިޚާބު ވެސް އޭޕްރިލް މަހުގެ 15 ވަނަ ދުވަހު ބޭއްވުމަށް އިލެކްޝަންސް ކޮމިޝަނުން ވަނީ ނިންމަވައިފައެވެ.




ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.