ރާޝިދު ނަޝީދަށް: ހުރިހާ އެއްޗެއް ގެއްލެމުންދަނީ އަމިއްލަ އެދުން ބޮޑުކަމުން

އެންމެ ބޮޑު ޕާޓީގެ ރައީސް 18 އަހަރު ކުރި އިރު ވެރިކަން ކޮށްލަން 3 އަހަރުވެސް ނޭނގުނުކަމަށް ވިދާޅުވެ ރައްޔިތުންގެ މަޖިލީހުގެ ކޮމަންޑޫ ދާއިރާގެ މެމްބަރު މުހައްމަދު ރާޝިދު ކުރީގެ ރައީސް ނަޝީދަށް ފާޑު ވިދާޅުވެއްޖެއެވެ.

Ads by STELCO

ރާޝިދު ވިދާޅުވީ މިއަދު ނަޝީދަށް ހުރިހާ އެއްޗެއް ގެއްލެމުން ދަނީ އަމިއްލަ އެދުން ބޮޑު ކަމުން ކަމަށެވެ.

"އެންމެ ބޮޑު ޕާޓީގެ ރައީސް ކަން 18 އަހަރު ކުރި އިރު ވެރިކަންކޮށްލަން 3 އަހަރުވެސް ނޭނގުނު، ނުވިތާކަށް މިއަދު ޕާޓީވެސް ގެއްލެނީ. ހައްތަހާވެސް މީ އަމިއްލަ އެދުމާހެދި ވާ ގޮތް" ރާޝިދު ވިދާޅުވިއެވެ.

ރާޝިދު ނަޝީދަށް ފާޑުވިދާޅުވެފައި މިވަނީ އެމްޑީޕީގެ ރިޔާސީ ޕްރައިމަރީން ބަލިވުމާއި ގުޅިގެން ރައީސް ނަޝީދު އެމްޑީޕީ އެތެރޭގައި "ފިކުރެއްގެ ދިރުން" ނަމުގައި ގޮތްޕެއް އުފައްދަވަން މަސައްކަތް ކުރައްވަމުން ގެންދަވާ ދަނޑިވަޅެއްގައެވެ. އަދި އެމްޑީޕީގެ ރިޔާސީ ކެންޑިޑޭޓެއް ހުންނަވަނިކޮށް އަންނަ ރިޔާސީ އިންތިހާބުގައި ޖުމްހޫރީ ޕާޓީއަށް ތާއިދުކުރައްވާ ރައީސް ނަޝީދު ގެންދަވަނީ ވާހަކަ ދައްކަވަމުން ކަން ފާހަގަކޮށްލެވެއެވެ.