ކަމެއް ރަނގަޅުކުރުމުގެ ނިޔަތެއް ސަރުކާރުގައި ނެތް: ސަލީމް

މިސަރުކާރުގައި ކަމެއް ރަނގަޅު ކުރުމުގެ އެއްވެސް ނިޔަތެއް ނެތްކަމަށާއި، އޮތީ ވައްކަން ކުރުމުގެ ނިޔަތެއް ކަމުގައި ރައްޔިތުންގެ މަޖިލީހުގެ އޭދަފުށީ ދާއިރާގެ މެމްބަރު އަހުމަދު ސަލީމް ވިދާޅުވެއްޖެއެވެ.
ސަލީމް މިފަދައިން ވިދާޅުވީ ޖުޑީޝަލް ސާވިސް ކޮމިޝަން (ޖޭއެސްސީ) އެކުލަވާލާފައިވާ ގޮތް ބަދަލުކޮށް، އެ ކޮމިޝަން އިސްލާހު ކުރުމުގެ ނިޔަތެއް ސަރުކާރުން ނުގެންގުޅޭ ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ މެންބަރު އަލީ ހުސެއިން ވިދާޅުވުމާއި ގުޅިގެންނެވެ.
އަލީ ހުސެއިން ވިދާޅުވީ، ކަމެއް ކުރެވޭނީ އެ ކަމެއް ކުރުމަށް އިޚްލާސްތެރި ނިޔަތެއް އޮވެގެން ކަމަށާއި، ޖޭއެސްސީ އިސްލާހު ކުރުމުގެ އެއްވެސް ވިސްނުމެއް މި ސަރުކާރުން ނުގެންގުޅޭ ކަމަށެވެ.
މިކަމާއި ގުޅިގެން ސަލީމް ވިދާޅުވީ މިސަރުކާރުން އެއްވެސް ކަމެއް އިސްލާހު ކުރުމަށް މަސައްކަތް ނުކުރައްވާކަމަށެވެ. އަދި އެފަދަ ހެޔޮ ނިޔަތެއްވެސް މިސަރުކާރުގައި ނެތްކަމަށާއި ސަރުކާރުން ކުރަމުންދާ ހަމައެކަނި ކަމަކީ ވައްކަން ކުރުން ކަމަށް ސަލީމް ވިދާޅުވިއެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.