މުޢިއްޒުގެ ޕްރޯ މޯލްޑިވްްސް ސިޔާސަތަށް ދުންޔާގެ ތަޢުރީފު

އިންތިޚާބީ ރައީސް ޑރ.މުޙައްމަދު މުޢިއްޒުގެ "ޕްރޯ މޯލްޑިވްސް" ސިޔާސަތަށް ކުރީގެ ޚާރިޖީ ވަޒީރު ދުންޔާ މައުމޫން ތަޢުރީފު ކުރައްވައިފިއެވެ.
މުޢިއްޒު ރާއްޖެއާއި ބޭރުގެ މަޝްހޫރު މީޑިއާތަކަށް ވެސް ދެއްވަމުން ގެންދަވާ ބަސްދީގަތުންތަކުގައި ވިދާޅުވަމުން ގެންދަވަނީ އެމަނިކުފާނު ވަކި ޤައުމަކާއި މާ ޚާއްސަ، ގާތް ގުޅުމެއް ނުބާއްވަވާނެ ކަމަށާއި، އަބަދު ވެސް އިސް ކުރައްވާނީ ދިވެހިރާއްޖެއަށް އެންމެ ރަނގަޅު ގޮތް ކަމަށެވެ.
"އޮއިވަރު"އަށް ދުންޔާ ވިދާޅުވީ މިއީ ރަނގަޅު ނިންމެވުމެއް ކަމަށާއި، އިންޑިއާގެ ސިފައިން ބޭލުމަކީ އެ ޤައުމާއި ވެސް ވާހަކަ ދައްކައިގެން، ޑިޕްލޮމެޓިކް އުސޫލުތަކުގެ ތެރެއިން ކުރެވިދާނެ ކަމެއް ކަމުގައެވެ.
ރާއްޖޭގައި ތިބި އިންޑިއާ ސިފައިން ބޭލުމުގެ މަސައްކަތް މަޤާމުގެ ހުވާ ކުރައްވާ ދުވަހު ވެސް ފައްޓަވާނެ ކަމަށް އިންތިޚާބީ ރައީސް ވިދާޅުވެފައިވެއެވެ."މިއީ ޑިޕްލޮމެޓިކް އުސޫލުތަކުން ހަމަ ކުރެވޭނެ މަސައްކަތެއް، ދެން އަޅުގަނޑަށް ހީވަނީ މީގަ، ވަރަށް ސާފުކޮށް އެ ވާހަކަ ވިދާޅުވަމުން ގެންދަވާތީ، ވަރަށް މުހިންމު ކަމެއްހެން އެއީ. އިންޑިއާ އަށް ވެސް އެ މެސެޖު ވަރަށް ކްލިއަރލީ ދާނެ." އެކަމަނާ ވިދާޅުވިއެވެ.





ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.