Saturday, 21 November 2026
Advertisement
Allied Insurance (leaderboard)
ސަރުކާރު

ރައީސްގެ ދަތުރުފުޅުގެ ކާމިޔާބީ ފާހަގަކޮށް، ޕީޕީއެމް/ޕީއެންސީގެ މަރުޙަބާ

ރައީސްގެ ދަތުރުފުޅުގެ ކާމިޔާބީ ފާހަގަކޮށް، ޕީޕީއެމް/ޕީއެންސީގެ މަރުޙަބާ

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ތުރުކީ އަދި އދ. ގެ ކޮޕް 28 ކޮންފަރަންސްގައި ބައިވެރިވެވަޑައިގަތުމަށް ދުބާއީއަށް ކުރެއްވީ ކާމިޔާބު ދަތުރުފުޅެއްކަން ފާހަގަކޮށް ޕްރޮގްރެސިވް ކޮންގްރެސް ކޯލިޝަނުން މަރުހަބާ ދަންނަވައިފިއެވެ.

މި ދަތުރުފުޅުގެ ކާމިޔާބީ ފާހަގަކޮށް، އެ ކޯލިޝަނުން މަރުޙަބާ ކިޔައިފައިވަނީ ނެރުނު ބަޔާނެއްގައެވެ.

އެ ބަޔާނުގައި ބުނީ ޕީއެންސީގެ ރައީސް, ރައީސް ޑރ.މުޙައްމަދު މުޢިއްޒު ވެރިކަމާއި ހަވާލުވެވަޑައިގަތުމަށްފަހު ކުރެއްވި ރަސްމީ ފުރުތަމަ ދަތުރުފުޅު ކާމިޔާބުކަމާއެކު ނިންމަވާލެއްވި ކަމަށްޓަކައި މާތްރަސްކަލާނގެއަށް ހަމްދުކޮށް, ލީޑަރޝިޕާއި ސެނެޓް އަދި ކޯލިޝަންގެ އެންމެހާ މެންބަރުންގެ ފަރާތުން އެމަނިކުފާނަށް މަރުޙަބާ ދަންނަވާ ކަމަށެވެ.

Advertisement
Allied — Dhen Online (box)

މި ދަތުރުފުޅުގައި ރައީސް މުޢިއްޒު ތުރުކީ އަދި ތަފާތު އެކި ޤައުމުތަކުގެ އެންމެ އިސް ވެރިންނާއި ބައްދަލުކުރައްވައި އެ ގައުމުތަކާއި ރާއްޖެއާއި ދެމެދު އޮތް ގުޅުންތައް އިތުރަށް ވަރުގަދަ ކުރެއްވުމުގެ މަޝްވަރާތައް ވަރަށް ކާމިޔާބުކަމާއެކު ކުރައްވާފައިވާ ކަމަށެވެ.

އަދި ތުރުކީ ވިލާތުގެ ވެރިންނާއި ކޮޕް 28 ކޮންފަރަންސްގެ ހަވާސާގައި ތަފާތު އެކި ގައުމުތަކުގެ ވެރިންނާއި ބައްދަލުކުރައްވާ ކުރެއްވި މަޝްވަރާތަކުގެ ތެރޭގައި ދިވެހި ރައްޔިތުން ދިވެހިރާއްޖެއަށް ބޭނުންވާ ތަރައްގީގެ ތަފާތު މަޝްރޫއުތައް ހިންގެވުމުގައި އެ ގައުމުތަކުގެ އެހީތެރިކަން ހޯއްދެވުމުގެ މަޝްވަރާތައް ވަރަށް ކާމިޔާބުކަމާއެކު ކުރިއަށް ގެންދަވާފައިވާކަން ވެސް ބަޔާނުގައިި ފާހަގަކޮށްފައިވެއެވެ.

ޕީޕީއެމް/ޕީއެންސީ އިން އެދެނީ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ ވެރިކަމުގައި ރާއްޖެއަށް ދިވެހީން ބޭނުންވާ ތަރައްގީ ހޯއްދެވުމުގައި އެމަނިކުފާނު ކުރައްވަމުން ގެންދަވާ މަސައްކަތްޕުޅަކީ ކާމިޔާބު މަސައްކަތްޕުޅުތަކެއް ކަމުގައި ވެގެން ދިއުން ކަމަށް ވެސް ބަޔާނުގައިވެއެވެ.

ކޯލިޝަނުން ވަނީ އެމަނިކުފާނު ކުރައްވަމުން ގެންދަވާ މަސައްކަތްޕުޅުތަކުގައި ކޯލިޝަންގެ އެންމެހާ މެންބަރުން އެމަނިކުފާނާއެކު ސާބިތުވެ ތިބޭނެ ކަމުގެ ޔަގީންކަން ދީފައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.