Tuesday, 17 November 2026
Advertisement
STO — McCoy (leaderboard)
ސަރުކާރު

އީޔޫއިން ރާއްޖެއަށް 6.5 މިލިއަން ޔޫރޯގެ އެހީއެއް ދީފި

އީޔޫއިން ރާއްޖެއަށް 6.5 މިލިއަން ޔޫރޯގެ އެހީއެއް ދީފި

ރާއްޖޭގެ ނޫ އިގްތިޞާދު ކުރިއެރުވުމަށް 6.5 މިލިއަން ޔޫރޯގެ އެހީއެއް، ޔޫރަޕިއަން ޔޫނިއަން، އީޔޫއިން ދީފި އެވެ.

އީޔޫއިން ރާއްޖެއަށް މި އެހީ ދީފައިވަނީ އެ ޖަމިއްޔާގެ ޔޫރަޕިއަން އެކްސްޓާނަލް އެކްޝަން ސާވިސްގެ މެނޭޖިން ޑިރެކްޓަރު، ޕައޮލާ ޕަމްޕަލޮނީ އާއި ރާއްޖޭގެ ފޮރިން މިނިސްޓަރު މޫސާ ޒަމީރު ބޭއްވި ބައްދަލުކުރެއްވުމެއްގަ އެވެ.

މި ބައްދަލުވުމުގައި ރާއްޖެއާއި ޔޫރަޕިއަން ޔޫނިއަންއާ ދެމެދު އޮންނަ ގުޅުން ބަދަހިކުރުމުގެ ތެރެއިން ހޯދިފައިވާ މުހިންމު ކުރިއެރުންތަކުގެ މައްޗަށް އަލިއަޅުއްވާލައްވާފައިވެ އެވެ. އެގޮތުން ފާއިތުވި އަހަރުތަކުގައި މޫސުމީ ބަދަލުތަކާ ދެކޮޅަށް ކުރަމުންދާ މަސައްކަތުގައި ހޯދިފައިވާ ކުރިއެރުންތަކާއި، ޝަރުޢީ ނިޒާމް ހަރުދަނާކުރުމުގައި އަދި ނިރުބަވެރިކަމާ ދެކޮޅަށް ކުރަމުންދާ މަސައްކަތުގައި ހޯދިފައިވާ ކުރިއެރުންތަކުގައި އީޔޫއާ އެކުގައި ކުރެވުނު މަސައްކަތްތައް ބޮޑު ދައުރެއް އަދާކޮށްފައިވާކަން ޒަމީރު ފާހަގަކުރެއްވި އެވެ.

Advertisement
Ooredoo — Square (box)

ހަމައެއާއެކު ރާއްޖޭގެ އިގްތިސާދާއި މޫސުމީ ބަދަލުތަކާ ދެކޮޅަށް ރާއްޖެއިން ކުރާ މަސައްކަތުގައި އީޔޫއިން ވެދެމުންދާ އެހީތެރިކަމަށް ވަޒީރު ވަނީ އީޔޫއަށް ޝުކުރު އަދާކުރައްވައިފަ އެވެ. އަދި ޝެންގެން ވިސާ ރިކުއަޔަމަންޓުތަކުން އިސްތިސްނާވާ ގައުމުތަކުގެ ލިސްޓުގައި ހިމެނުމަށް ރާއްޖެއިން ޝައުގުވެރިވާކަން މި ބައްދަލުވުމުގައި ހާމަކުރެއްވި އެވެ.

މިި ބައްދަލުވުމުގައި ޒަމީރުގެ އިތުރުން ރާއްޖޭގެ ފޮރިން ސެކްރެޓަރީ ފާތިމަތު އިނާޔާ، ސެކްރެޓަރީ ބައިލެޓްރަލް ޑރ. ހަލާ ހަމީދު އާއި ޖޮއިންޓް ސެކްރެޓަރީ ޝިއުނީން ރަޝީދު އަދި ފޮރިން މިނިސްޓަރީގެ ބައެއް އިސްވެރިން ވަނީ ބައިވެރިވެވަޑައިގެންފަ އެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.