ޑެންމާކުން އިންގްލެންޑު ހިފަހައްޓައިފި، ދެވަނަ ބުރަށް އިންގްލެންޑަށް އިތުރު އިންތިޒާރެއް
ޔޫރޯ 2024 ގައި ޑެންމާކުން އިންގެލެންޑުން މޮޅުވިޔަނުދީ ހިފަހައްޓައިފިއެވެ.
ރޭ އިންގްލެންޑާއި ޑެންމާކު ބައްދަލުކުރި މެޗު ނިމުނީ 1-1 ގެ ނަތީޖާއަކުންނެވެ.
އެ މެޗު ކާމިޔާބުކޮށްގެން އިންގްލެންޑަށް ދެވަނަ ބުރަށް ދެވެން އޮތެވެ. ނަމަވެސް މެޗު އެއްވަރުވުމުން އިންގްލެންޑަށް ދެން ޖެހޭނީ ދެން ކުޅޭ މެޗަކުން މޮޅުވާށެވެ.
ރޭގެ މެޗުގައި ގިނަ ހަމަލާތައް އުފައްދާފައިވަނީ ޑެންމާކުންނެވެ. އެ މެޗުގައި ޑެންމާކުން ވަނީ 16 ހަމަލާއެއް އުފައްދާފައެވެ. އެ މެޗުގައި އިންގްލެންޑަށް އުފެއްދުނީ އެންމެ 12 ހަމަލާއެވެ.
ނަމަވެސް މެޗުގައި ފުރަަތަމަ ގޯލުޖަހައި ލީޑުނެގީ އިންގްލެންޑުންނެވެ. އެ ގޯލު އެ ޓީމަށް ޖަހައިދިނީ ކެޕްޓަން ހެރީ ކޭންއެވެ. އެވެ. އޭރިއާތެރެއިން ލިބުނު ފުރުސަތުގައި ކޭން ވަނީ ގޯލުގެ ކަނަށް ބޯޅަ ފޮނުވާލައިފައެވެ.
އެ ގޯލާއެކު އިންގްލެންޑުން މޮޅުވާން ދަނިކޮށް 34 ވަނަ މިނެޓުގައި ގޯލެއްޖަހައި އެކަމަށް ހުރަަަސް އެޅީ ޑެންމާކުގެ މޯޓެން ހިއުލްމަންޑްއެވެ. އެރީއާ ބޭރުން އޭނާ ފޮނުވާލި ހަމަލާ ގޯލަށް ވަނީ ދަނޑީގަައި ޖެހިފައެވެ
