މިނިސްޓްރީގެ ނުރުހުން؛ ކައުންސިލްތަކުން އުޅެނީ ވަކި ސަރުކާރުތަކެއް ހަދައިގެން
ރަށް ރަށުގެ ކައުންސިލްތަކުން ވަކި ސަރުކާރުތަކެއް ހަދައިގެން އުޅޭ ކަމަށް ބުނެ ސިޓީސް އެންޑް ކައުންސިލް މިނިސްޓްރީން ނުރުހުން ފާޅުކޮށްފި އެވެ.
ރައްޔިތުންގެ މަޖިލިހުގެ ލާމަރުކަޒީ ކޮމިޓީގެ މިއަދު ބައްދަލުވުމުގައި އޮތީ އަތޮޅުތަކުގެ ހުންނަ ސްޓޭޓް ހައުސްތަކާ ގުޅިގެން ހުށަހެޅިފައިވާ ސިޓީއަކާ ގުޅިގެން އެ ކޮމިޓީއަށް ހާޒިރުވެ ޖަވާބުދާރީވާން ލޯކަލް ގަވަމެންޓް މިނިސްޓްރީން ބޭނުންވާތީވެ އެކަން ކުރުމެވެ.
ބައްދަލުވުމުގައި ވާހަކަ ދައްކަވަމުން މާހިރު ވިދާޅުވީ ރާއްޖެއަކީ އަތޮޅުތަކަށް ބެހިގެން ވެރިކަން ކުރުމުގެ ނިޒާމު އޮތް ތަނަކަށްވާއިރު، ލާމަރުކަޒީ ގާނޫނާ އެކު ލޯކަލް ކައުންސިލްތައް އުފެދި، ކައުންސިލްތަކުގެ އިހުތިސޯސްތައް ކަނޑައެޅުނު ކަމަށެވެ. އެކަމާ ގުޅިގެން ރަށްރަށް ވަރަށް ބޮޑަށް 'އަމިއްލަ' ވެފައިވާ ކަމަށެވެ.
އަތޮޅުގެ އާއި އަތޮޅު އޮފީސް ހުންނަ ބިންތަކަކީ އަތޮޅުގެ ވެރިކަން ކުރާ ރަށުގައި ހުރި ނަމަވެސް ދައުލަތުގެ ތަންތަން ކަމަށް މާހިރު ވިދާޅުވި އެވެ. އެހެންނަމަވެސް މިހާރުގެ ހާލަތަކީ އެ ތަންތަން ހޯދަން ކައުންސިލްތަކުން ދައުވާ ކުރަން ފެށުން ކަމަށެވެ. އޭނާ ވިދާޅުވީ ބިންތަކާއި ގާއިމުކުރެވިފައިވާ ވަސީލަތްތައް ހޯދުމަށް ބައެއް ކައުންސިލްތަކުން ގޯތި ބައި ކޮށްގެން ވަކި ރަޖިސްޓަރީތައް ހަދައިގެން މަސައްކަތް ކުރަމުން އަންނަ ކަމަށެވެ.
ސްޓޭޓް މިނިސްޓަރު ވިދާޅުވި ގޮތުގައި ސަރުކާރު ހިންގުމުގެ ނިޒާމަށް ވޭތުވެދިޔަ ދުވަސްތަކުގައި ގެނައި ބޮޑު ބަދަލާ ގުޅިގެން ވަރަށް ބޮޑަށް ސަރުކާރުގެ ޔުނިޓަރީ ސިފަ ގެއްލިފައިވާ ކަމުގަ އެވެ. ފުރަތަމަ ކަމަކަށް މިކަން ފެށުނީ ނުބައި ނަމެއްގައި ކަމަށް ވިދާޅުވި އެވެ.
"ފެޑަރަލް ސިސްޓަމަކަށް ރާއްޖޭގެ ކަންތައްތައް ދާ މަންޒަރު ފެންނަނީ. ވަކިވަކި ސަރުކާރެއް، ކުދި ސަރުކާރު، މިހާރު އަޅުގަނޑުމެންނަށް ނިސްބަތްކޮށް ކައުންސިލްތަކުން މައި ސަރުކާރު، ރަށު ސަރުކާރު، ސަރުކާރުތަކަށް ބެހިގެން ގޮސްފައި ވަނީ. ޔުނިޓަރީ ސިފަ ގެއްލިގެން،" މާހިރު ވިދާޅުވި އެވެ.
މިނިސްޓްރީން ބޭނުން ވަނީ މިގޮތަށް ސަރުކާރުގެ ބޭނުމަށް އަތޮޅުތަކާއި ރަށްތަކުން ނަގާފައިވާ ތަންތަނާއި ބިންތަކަކީ ސަރުކާރުގެ ތަންތަނުގެ ގޮތުގައި ހުންނަން ކަމަށެވެ. އެ ތަންތަނަކީ ސަރުކާރުގެ އެސެޓްތައް ކަމަށެވެ. އެ ތަންތަން ކައުންސިލްތަކުން ބެލެހެއްޓި ނަމަވެސް ހަރަދުތައް ކުރަނީ ފިނޭންސް މިނިސްޓްރީ ކަމަށް ވިދާޅުވި އެވެ.
ވިދާޅުވީ ކުރީގައި ހޯމް މިނިސްޓްރީއަށް އޮތް ޒިންމާތައް މިހާރު އޮތީ ލޯކަލް ގަވަމެންޓް މިނިސްޓްރީއަށް ކަމަށެވެ. އެ ތަންތަން ތަރައްގީކޮށް ބެލެހެއްޓުމަކީ މުހިންމު ކަމެއް ކަމަށާއި އެފަދަ ތަންތަން ނެތިދިއުމަކީ ދައުލަތަށް ލިބޭ ގެއްލުމެއް ކަމަށް މާހިރު ވިދާޅުވި އެވެ. އެހެން ނަމަވެސް އެ ތަންތަނާ މެދު ކައުންސިލްތަކުން އަމަލުކުރަމުން ދަނީ އެކި ގޮތަށް ކަމަށެވެ. ބައެއް ކައުންސިލްތަކުން ބޮޑެތި ބަދަލުތައް ގެނެސްފައިވާއިރު، އެކަމުގެ މައުލޫމާތު އަދި އެނގެން ނެތް ކަމަށެވެ.
އެ ބައްދަލުވުމުގައި ވާހަކަ ދައްކަވަމުން ލޯކަލް ގަވަމެންޓް މިނިސްޓްރީގެ ސްޓޭޓް މިނިސްޓަރު މޫސާ ފަތުހީ އާދަމް ވެސް ވިދާޅުވެފައި ވަނީ އެ މިނިސްޓްރީގެ ސިޔާސަތަކީ ރާއްޖެ ހިންގަން ވާނީ ޔުނިޓަރީ ދައުލަތެއް ގޮތުގައި ކަމަށެވެ. މި ނިޒާމް އޮންނަން ވާނީ ދައުލަތުގެ ވެރިން އަތޮޅަކަށް ވަޑައިގަންނަވާއިރު، ވެރިންނަށް އިހުތިރާމާއި ގަދަރު އޮންނަ ގޮތަކަށް ކަމަށެވެ.
ރައްރަށްް އަމިއްލަަ ވުމޭޭ ބުނެެ ބުލީއެއްް ކުރުމުގެެ ހައްގެއްް މިނިސްޓްރީގެެ ވަގުތީީ ވަޒީފާގައިި ތިބޭޭ ބަޔަކަށްް ނުލިބޭނެެ، ކުރިންވެސްް ދިވެހިި ރައްޔިތުންް އެމީހެއްގެެ ރަށަށްޓަކައިި ފަހުރުު ވެރިވޭޭ މަގޭޭ ރަށޭކިޔައިި ވާހަކަަ ދެކެވޭޭ،ތިމާމެންނަށްް ރައްރައްް ތަރައްގީީ ކުރަންް ނޭގުމަކީީ ރައްދެކެެ ލޯބިވާާ ރައްކުރިި އަރުވަންް އެދޭޭ ރައްޔިތުންގެެ ކުށެއްނޫންް. ޢެހާާ މަމެންް ނުވަމާާ.