Friday, 20 November 2026
Advertisement
Ooredoo — Airfibre (leaderboard)
ސިޔާސީ

ސަރުކާރަށް ނުވަ މަސްވިއިރު އަމިއްލައަށް ކުރެވުނު އެއްވެސް ކަމެއް ފެންނަން ނެތް: މޫކޭ

ސަރުކާރަށް ނުވަ މަސްވިއިރު އަމިއްލައަށް ކުރެވުނު އެއްވެސް ކަމެއް ފެންނަން ނެތް: މޫކޭ
މި ސަރުކާރަށް ނުވަ މަސްވިއިރު އަމިއްލައަށް ކުރެވުނު އެއްވެސް ކަމެއް ފެންނަން ނެތް ކަމަށް ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި އާރުޑީސީގެ މެނޭޖިން ޑިރެކްޓަރުކަން ކުރެއްވި މޫސާ އަލިމަނިކު (މޫކޭ) ވިދާޅުވެއްޖެ އެވެ. އިދިކޮޅު މައި ޕާޓީއެއްގެ ގޮތުގައި އޮތް މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން ބުރާސްފަތި ދުވަހުގެ ރޭ ދަނޑިކޮށި ޖަގަހައިގައި ބޭއްވި ހަރުގެ ޖަލްސާގައި ވާހަކަ ދައްކަވަމުން މޫކޭ ވިދާޅުވީ އަދުގެ ސަރުކާރަށް ނުވަ މަސް ދުވަސްވިއިރު ކުރެވުނު އެއްވެސް ކަމެއް ނެތް ކަމަށެވެ. ހަމައެކަނި ވެފައި އޮތް ކަމަކީ ކުރީ ސަރުކާރަށް "ބަލިވެއިނުން" އެކަނި ކަމަށެވެ.
"ނުވަ މަސްވިއިރު ކުރީ ސަރުކާރަށް ބަލިވެ. ރެބަން ކަނޑާލަން ލިބެނީ ކުރީ ސަރުކާރުން ކޮށްފަ އޮތް ކަމެއް. ދައްކަން ލިބެނީ ކުރީ ސަރުކާރުން ފަށާފައި އޮތް މަޝްރޫއެއް. އަމިއްލައަށް ކުރެވުނު އެެއް ކަމެއް ވެސް މިވެރިކަމުގައި ތިބޭފުޅުންނަށް ނުފެންނާނެ،" މޫކޭ ވިދާޅުވި އެވެ.
ސަރުކާރުން ބަދަލު ދިނުމުގެ ވާހަކަ ނޫމަޑި އާ ޖެހުމުން ނިމިފައިވާ ކަމަށާއި ކަނޑު ވިއްކާލި ވާހަކަ ވެސް މިހާރު ނުދައްކާ ކަމަށެވެ. އިންޑިއާގެ 2،000 ސިފައިންގެ ވާހަކަ މިހާރު ނުދައްކާތާ މިހާރު އުޅެނީ އެގައުމުން މީހުން ނައިސްގެން އަންނަން އާދޭސް ކުރަމުންދާ ކަމަށެވެ. މަސްވެރިންނަށް ލާރި ނުދެވި ސަޕްލަޔަރުންނަށް ރުފިޔާ ދެވޭނެ ގޮތެއް ވެސް ނެތް ކަމަށް ވިދާޅުވި އެވެ. އެމްޑީޕީގެ މަޑުއްވަރީ ދާއިރާގެ ރައީސް ވިދާޅުވެފައި ވަނީ އަލަށް ކަމެއް ކުރެވެންޏާ ކުރެވޭ ކަމަކީ ރަށްރަށުގައި ފަށާފައި ހުރި މަޝްރޫއުތައް ހުއްޓުވާފައި އެ ތަންތަނުގައި ހުންނަ ސާމާނުތައް ބޭލުން ކަމަށެވެ. އެކަން ވަރަށް ބާރު ސްޕީޑުގައި ކުރަމުންދާ ކަމަށެވެ. ދައުލަތުގެ ދަރަންޏާ ގުޅޭގޮތުން ވިދާޅުވީ ދަރަނި ދައްކާނެ ގޮތުގެ ހުރިހާ ކަމެއް ހުރީ ހަމަޖެހިފައި ކަމަށް ބުނި ނަމަވެސް މިހާރު އެ ވާހަކަ މުޅިން ބަދަލުވެފައިވާ ކަަމަށެވެ. އެގޮތުން ދައްކަނީ އެމްޑީޕީގެ ސަރުކާރުން ކުރި ކަންކަމުގެ ސަބަބުން ދައުލަތުގެ ދަރަނި ބޮޑުވެގެން ކަންކަންވީ ވާހަކަކަން އޭނާ ފާހަގަކުރެއްވި އެވެ.
"ގައިމުވެސް އެކިއެކި ޖަމިއްޔާ ޖަމާއަތްތަކުން އަޅުގަނޑުމެންގެ ވެރިކަމުގެ ކޮވިޑާ އެކީގައި އެއައި ތަދުމަޑުކަމުން އަރައިގަތުމަށް ޓަކައި ކުރެވިފައި ހުރި ރަނގަޅު މަސައްކަތްތަކާ އެކީގައި ގައުމުގެ މިސްރާބު ހަމަ މަގަށް އެޅިގެން ދިޔަކަމުގެ ވާހަކަ ހުރިހާ ޖަމާއަތްތަކުން ދިޔަ ފާހަގަކުރަމުން،" މޫކޭ ވިދާޅުވި އެވެ.
އެހެންނަމަވެސް ރައީސް ކަމުގެ ހުވާ ޑރ. މުހައްމަދު މުއިއްޒު ކުރެއްވުމާ އެކު، ލޯނު ދައްކާނެ ގޮތެއް ނޭނގިގެންނާއި ފައިސާ ހޯދާނެ ގޮތެއް ނޭނގިގެން އުޅުނު ކަމަށް ވިދާޅުވި އެވެ. މޫކޭ ވިދާޅުވީ ފައިސާ ހޯދަން އިނގޭނީ ކަން ކުރަން ދަންނަ ބަޔަކަށް ކަމަށާއި ނޭނގޭ ނަމަ އެންމެ ރަނގަޅު ގޮތަކީ އިސްތިއުފާ ދެއްވުން ކަމަށެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.