އުރީދޫގެ 5ޖީ ހިދުމަތް ރާއްޖޭގެ އާބާދީގެ 60 އިންސައްތަ އަށް

އުރީދޫގެ 5ޖީ ގެ ހިދުމަތް ރާއްޖޭގެ އާބާދީގެ 60 އިންސައްތައަށް ފޯރުކޮށްދެމުން އަންނަ ކަމަށް އުރީދޫ މޯލްޑިވްސްއިން ބުނެފި އެވެ. އުރީދޫގެ ހިދުމަތް ރާއްޖޭގައި ފެށިތާ 19 އަހަރު ވެފައިވާއިރު، ހިނގަމުން މިދާ މަހުގެ އެއް ވަނަ ދުވަހުން ފެށިގެން ގްރޭޓާ މާލެ އޭރިއާގެ އިތުރުން 27 ރަށެއްގައި 5ޖީ ގެ ހިދުމަތް އެ ކުންފުނިން އަންނަނީ ފޯރުކޮށްދެމުންނެވެ. އެ ރަށްތަކަކީ،

• އއ. ތޮއްޑޫ
• އއ. ރަސްދޫ
• އދ. މާމިގިލި
• އދ. މަހިބަދޫ
• އދ. ދަނގެތި
• ބ. އޭދަފުށި
• ދ. ކުޑަހުވަދޫ
• ފ. ނިލަންދޫ
• ގއ. ވިލިގިނލި
• ގދ. ތިނަދޫ
• ހއ. ދިއްދޫ
• ހއ. އިހަވަންދޫ
• ހދ. ކުޅުދުއްފުށި
• ކ. ގުރައިދޫ
• ކ. މާފުށި
• ޅ. ހިންނަވަރު
• ޅ. ނައިފަރު
• ޅ. ނައިފަރު
• ނ. ވެލިދޫ
• ރ. ދުވާފަރު
• ރ. އުނގޫފާރު
• ސ. ހިތަދޫ
• މ. މުލައް
• ކ. އިތާފުށި (ވޮލްޑޯފް އެސްޓޯރިއާ އިތާފުށި)
• ކ. މާދޫފިނޮޅު (އޮޒެން ލައިފް މާދޫ)
• ކ. ބޮލިފުށި (އޮޒެން ރިޒާވް ބޮލިފުށި)
• ކ. ރަށްފަޅުހުރާ4 (ޕަޓީނާ)
• ކ. ރަށްފަޅުހުރާ1 (ފަރި އައިލެންޑް)

ހިދުމަތް ފެށިތާ 19 އަހަރު ފުރުން ފާހަގަ ކުރުމަށް ބޭއްވި ނޫސްވެރިންގެ ބައްދަލުވުމުގައި ސީއީއޯ އަދި މެނޭޖިން ޑިރެކްޓަރު ހާލިދު އަލް ހަމާދީ ވިދާޅުވެފައި ވަނީ އެންމެފަހުގެ ޓެކްނޮލޮޖީ ތައާރަފުކޮށް، ރާއްޖެއަށް ޑިޖިޓަލް ޓްރާންސްފޮމޭޝަނެއް ގެނައުމުގެ މަސައްކަތް އުރީދޫން ކުރަމުންދާ ކަމަށެވެ. އަތޮޅުތަކަށް 5ޖީ ގެ ހިދުމަތް ފުޅާކުރަމުން ދަނީ އެ އަމާޒަށް ވާސިލުވުމަށް ކުރަމުން އަންނަ މަސައްކަތުގެ ތެރެއިން ކަމަށް ފާހަަގަކުރެއްވި އެވެ. ރާއްޖެއަށް އެންމެ ފުރަތަމަ 3ޖީ އާއި 4ޖީ ގެ ހިދުމަތް ވެސް ތައާރަފުކުރި އުރީދޫން ބުނީ އާބާދީގެ 60 އިންސައްތައަށް 5ޖީ ގެ ހިދުމަތް މިހާރު ލިބެމުންދާނެ ކަމަށެވެ. އެ ކުންފުނިން އަމާޒު ހިފާފައި ވަނީ ރާއްޖޭގެ މުޅި އާބާދީއަށް 5ޖީ ގެ ހިދުމަތް ފޯރުކޮށް ދިނުމަށެވެ. އެންމެ ފުޅާ ދާއިރާއެއްގައި 5ޖީ ގެ ހިދުމަތް ރާއްޖޭގައި ދެމުން އަންނަ އުރީދޫން އެ ކުންފުނީގެ ޕްރީޕެއިޑް އަދި ޕޯސްޓްޕެއިޑް ކަސްޓަމަރުންނަށް ތަފާތު ޕްލޭންތަކުގެ ދަށުން އެ ހިދުމަތް ލިބޭނެ ގޮތް ވަނީ ފަހިކޮށްދީފަ އެވެ.