ހުޅުމާލެއިން ޒުވާނަކު ގެއްލިގެން ހޯދަނީ
ހުޅުމާލެއިން ޒުވާނަކު ގެއްލިގެން ހޯދަމުންދާ ކަމަށް ފުލުހުން މިއަދު ބުނެފި އެވެ.
ފުލުހުންގެ ރަސްމީ އެކައުންޓުން 'އެކްސް' ގައި ކުރި ޕޯސްޓެއްގައި ބުނީ ގެއްލިގެން ހޯދަމުންދަނީ ހއ.ހޯރަފުށީ/ ހީރާ، މުހައްމަދު ސާއިފް (30އ) ކަމަށެވެ.
ސާއިފް މިހާރު ދިރިއުޅެމުންދަނީ ހުޅުމާލޭގެ ފްލެޓް 205-2-35 ގައި ކަމަށް ފުލުހުން ބުންޏެވެ. ފުލުހުން ބުނީ އޭނާ ގެއްލިގެން ރިޕޯޓް ކޮށްފައިވަނީ މިއަދުގެ ވަގުތެއްގައި ކަމަށެވެ.
ސާއިފް އެންމެ ފަހުން ފެނިފައިވަނީ ރޭ 21:00 ހާއިރު، ހުޅުމާލެ ފޭސް 3 އިން ކަމަށް ފުލުހުން ބުންޏެވެ. އަދި އޭރު ލައިގެން ހުރީ މަޑު ފެހިކުލައިގެ އަތްދިގު ގަމީހަކާއި ޖިންސެއް ކަމަށް ވެސް ފުލުހުން ބުންޏެވެ.
ސާއިފްގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަންގެ 9393351 އަށް ގުޅައި ހިއްސާކުރަން އެދިފައިވެ އެވެ.
