ކުޑަރިކިލު،ދޮންފަނު އަދި ކިހާދޫގެ ލަފާ ފުރުމުގެ މައްސަލަ ޙައްލު ކުރުމުގެ މަސައްކަތާއި ގުޅިގެން ޑރ.މުޢިއްޒުގެ ޝުކުރު ރައީސް ޔާމީނަށް
ބ.އަތޮޅު ކުޑަރިކިލު ، ދޮންފަނު އަދި ކިހާދޫގެ ލަފާ ފުރުމުގެ ޒަމާންވީ މައްސަލަ ހައްލު ކުރުމުގެ މަސައްކަތް މިއަދު ކޮންޓްރެކްޓަރާއި ޙަވާލު ކުރުމާއި ގުޅިގެން ކުރީގެ ހައުސިން މިނިސްޓަރ ޑރ.މުޙައްމަދު މުޢިއްޒު, ރައީސް ޢަބުދުﷲ ޔާމީނަށް ޝުކުރު ދަންނަވައިފިއެވެ.
އެ ތިން ރަށުގެ ލަފާ ފުރުމުގެ މަސައްކަތް ކޮންޓެކްޓަރާއި މިއަދު ހަވާލު ކޮށްފައި ވަނީ 381 ދުވަހުގެ ތެރޭގައި ނިންމާ ގޮތަށެވެ. 108.30 މިލިއަން ދިވެހި ރުފިޔާގެ މި މަޝްރޫޢުގެ 77 އިންސައްތަ ހަމަޖެހިފައިވަނީ އޯޕެކް ފަންޑް ފޯރ އިންޓަނޭޝަނަލް ޑިވެލޮޕްމަންޓް (އޮފިޑް) އިންނެވެ. މި މަޝްރޫޢުގެ ކޮންޓްރެކްޓަރަކީ ހޯގާޑް ޕްރައިވެޓް ލިމިޓެޑެވެ.
މި މަޝްރޫޢާއި ގުޅިގެން މުޢިއްޒު ވިދާޅުވީ މި ތިން މަޝްރޫޢު ކުރިއަށް ގެންދެވުމަށް ނިންމަވާ ތިން މަޝްރޫޢު އޮފިޑް ލޯނުން ޚަރަދު ކުރެއްވުމަށް 2018 ވަނަ އަހަރުގެ ޖުލައި މަހު ކަނޑައަޅުއްވާ އޮފިޑަށް ފޮނުއްވީތީ ރައީސް ޔާމީނަށް ޝުކުރު ދަންނަވާ ކަމަށެވެ.
" މިކަމުގެ ސަބަބުން މިއަދު ސޮއި ކުރުން ޙަޤީޤަތަކަށް ވުމުގެ ތަހުނިޔާ މި ތިން ރަށުގެ ރައްޔިތުންނަށް އަރިސްކުރަން" މުޢިއްޒު ވިދާޅުވެފައިވެއެވެ.
