Friday, 20 November 2026
Advertisement
MWSC — SmartMeter (leaderboard)
އިޖުތިމާޢީ

ގައުމީ ޔުނިވާސިޓީގެ އަންނަ އަހަރުގެ އިންޓޭކަށް ހުޅުވާލަނީ

ގައުމީ ޔުނިވާސިޓީގެ އަންނަ އަހަރުގެ އިންޓޭކަށް ހުޅުވާލަނީ

ދިވެހިރާއްޖޭގެ ގައުމީ ޔުނިވާސިޓީ (އެމްއެންޔޫ) ގެ އަންނަ އަހަރުގެ އިންޓޭކަށް ފެށޭ ހަފުތާގައި ހުޅުވާލަން ނިންމައިފި އެވެ.

އެމްއެންޔޫން މިއަދު ކުރި އިއުލާނެއްގައި ބުނީ އަންނަ އަހަރުގެ ފެބްރުއަރީ މަހު އެ ޔުނިވާސިޓީން ފެށުމަށް ހަމަޖެހިފައިވާ ކޯސްތަކުގެ ތެރެއިން ޖާގަ ހުރި ކޯސްތަކަށް ވަނުމަށް އެދި ފޯމު ހުށަހެޅުމުގެ ފުރުސަތު ފެށޭ ހަފުތާގެ ބުރާސްފަތި ދުވަހު ހުޅުވާލާނެ ކަމަށެވެ.

އަދި އަންނަ ޖެނުއަރީ މަހުގެ ތިންވަނަ ދުވަހާ ހަމައަށް ފޯމު ހުށަހެޅޭނެ ކަމަށް ބުނެފައިވެެ އެވެ.

Advertisement
Ooredoo — Square (box)

އެމްއެންޔޫން ބުނީ އިންޓޭކްގެ ކޯސްތަކާ ބެހޭ މައުލޫމާތު އެ ޔުނިވާސިޓީގެ ވެބްސައިޓުން ލިބޭނެ ކަމަށެވެ.

އަދި އެމްއެންޔޫގެ އޮންލައިން ޕޯޓަލް މެދުވެރިކޮށް ފޯމު ހުށަހެޅޭނެ ކަމަށް ވެސް ބުނެފައިވެ އެވެ.

އެމްއެންޔޫން ހުޅުވާލާ 150 ކޯހުގެ ތެރޭގައި ކޮމްޕިއުޓަ ސައިންސް، ލެންގުއޭޖް، ފައިނޭންސް، އާކިޓެކްޗާ، މެޑިސިން އާއި ނާސިން ފަދަ ދާއިރާތަކުގެ ކޯސްތައް ހިމެނެ އެވެ.

އެމްއެންޔޫއަކީ ރާއްޖޭގައި މަތީ ތައުލީމުދޭ ޔުނިވާސިޓީތަކުގެ ތެރެއިން އެންމެ ކުރީގައިވާ އެއް ޔުނިވާސިޓީ އެވެ. ތައުލީމުގެ ކޮލިޓީ ހިފަހައްޓަން އެ ޔުނިވާސިޓީން މުހިންމު މަސައްކަތްތަކެއް ކުރެ އެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.